| e-texts navigator |
| Wylie |
46b1 ཡིས་འགྲུབ།། གྲུབ་པའི་མཐའ་ནི་ཇི་ལྟར་ལགས།། གསང་བ་མཆོག་གི་བདག་པོས་བཀའ་སྩལ་པ།། ནན་ཏུར་ཏིང་འཛིན་བྱེད་པའི་ཚེ།། ཚད་མེད་སྙིང་རྗེ་བསྐྱེད་པ་དང་།། བྱང་ཆུབ་སེམས་ལ་དགའ་བ་ནི།། སྔོན་དུ
46b2 འགྲོ་བའི་ལས་མཆོག་ཡིན།། བསྙེན་པ་དང་ནི་ཉེ་བསྙེན་པ།། སྒྲུབ་པ་སྒྲུབ་ཆེན་མཐར་ཕྱིན་པས།། བསྒྲུབས་ན་ངེས་པར་འགྲུབ་པར་འགྱུར།། བདག་དང་ཕུར་བུ་སེམས་ཅན་རྣམས།། ཐ་མི་དད་པར་གྲུབ་མཐའ
46b3 གཅིག། ཅེས་གསུངས་སོ།། ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ།། ཞི་རྒྱས་དབང་དང་དྲག་སྤྱོད་ཀྱི།། ཕྲིན་ལས་རྣམ་བཞིར་བཤད་པ་གང་།། གནས་སྐབས་གང་དུ་འཚལ་བ་ལགས།། མཚན་ཉིད་ཇི་ལྟར
46b4 འཚལ་བར་བགྱི།། གསང་བ་མཆོག་གི་བདག་པོས་བཀའ་སྩལ་པ།། རྣལ་འབྱོར་དགོངས་པའི་ལས་བཞི་པོ།། ཞི་ཁྲོའི་དཀྱིལ་འཁོར་གང་གི་ཡང་།། ཆ་དང་རྐྱེན་དུ་རྒྱལ་བས་བསྔགས།། དེ་བས་ནན་ཏན་ཆེར་བསྐྱེད
46b5 དེ།། ལས་བཞི་རྫོགས་པ་མཆོག་ཡིན་ནོ།། མཚན་ཉིད་འབྱུང་བ་བཞི་ཡིན་ཏེ།། ཨེ་ནི་བསྲེགས་པས་མེ་རུ་བཤད།། བཾ་ནི་ཆུ་ཡིས་དཀྱིལ་འཁོར་ཏེ།། མ་ནི་ས་ཡི་མཚན་ཉིད་དེ།། ཡ་ནི་རླུང་དུ་བཤད་པ་ཡིན།། དཀྱིལ
46b6 འཁོར་ཆེན་པོ་ནམ་མཁའ་ཡི།། མཚན་ཉིད་ཡིན་པར་རྒྱལ་བས་གསུངས།། ལས་རྣམས་བརྩམ་པ་མ་བྱས་ན།། བསྒྲུབས་ཀྱང་འགྲུབ་པར་མི་འགྱུར་རོ།། ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ།། དམ་ཚིག
iiif viewer powered by OpenSeadragon
