| e-texts navigator |
| Wylie |
45b1 རྡོ་རྗེ་ཡིད་ཀུན་ཏུ་བཟང་པོས་གསོལ་པ།། དྲེགས་པའི་ལས་ཀྱིས་འཆེལ་པ་ལ།། ཁྲོ་བོའི་ཐུགས་རྗེས་འདུལ་བའི་ཚེ།། དྲེགས་པ་བསྒྲལ་བ་ཅིའི་ཕྱིར་ལགས།། དྲེགས་པ་སྦྱོར་བའི་དགོས་པ་ཅི།། གསང་བ་མཆོག་གི
45b2 བདག་པོས་བཀའ་སྩལ་པ།། ཞེ་སྡང་ལས་ཀྱིས་འཆེལ་བ་ལ།། ཞེ་སྡང་ཆེན་པོའི་ཏིང་འཛིན་གྱི།། ཞེ་སྡང་དབྱིངས་སུ་དག་བྱའི་ཕྱིར།། དྲེགས་པ་ཕོ་ནི་བསྒྲལ་བར་གསུངས།། འདོད་ཆགས་ལས་ཀྱི་གཟིར་བ
45b3 ལས།། འདོད་ཆགས་ཆེན་པོ་འགའ་ག་ཎ་ཡིན་ནམ་ན་རུ།། འདོད་ཆགས་དབྱིངས་སུ་དག་བྱའི་ཕྱིར།། དྲེགས་པ་མོ་ནི་རབ་ཏུ་སྦྱོར།། སྦྱོར་སྒྲོལ་བྱ་བ་ཀུན་བྱས་ཀྱང་།། དེ་ལ་བྱ་བ་རྡུལ་ཙམ་མེད།། ཡང་རྡོ་རྗེ་ཡིད་ཀུན་ཏུ
45b4 བཟང་པོས་གསོལ་པ།། རྡོ་རྗེ་དྲག་པོའི་དཀྱིལ་འཁོར་ལ།། དཀྱིལ་འཁོར་རྣམ་པར་ཇི་ལྟར་འཚལ།། སྔགས་ཀྱི་བདག་པོ་གང་གིས་བགྱི།། འགུགས་འདྲེན་ཕོ་ཉ་གང་གིས་བགྱི།། སྒྲོལ་བའི་ཕྲིན་ལས་གང་གིས
45b5 བགྱི།། གསང་བ་མཆོག་གི་བདག་པོས་བཀའ་སྩལ་པ།། དྲག་པོ་ལས་ཀྱི་དཀྱིལ་འཁོར་ལ། རྣམ་པ་གསུམ་དུ་རྒྱལ་བས་གསུངས།། བདག་ཉིད་ཆེན་པོའི་དཀྱིལ་འཁོར་དུ།། ཕྱོགས་མཚམས་ཁྲོ་བོའི་དཀྱིལ་འཁོར
45b6 དང་།། སྲས་མཆོག་ཕུར་པའི་དཀྱིལ་འཁོར་དེ།། རྡོ་རྗེ་གཞོན་ནུ་ལས་ཀྱི་ལྷ།། གཙོ་གཟུངས་ཟུང་དུ་འབྲེལ་བ་ནི།། བདག་ཉིད་ཆེན་པོ་ཡིན་པར་བཤད།། ཁྲོ་བོ་ཁྲོ་མོ་ཕྲ་མེན་ཚོགས།། ཕྱོགས་མཚམས་ཁྲོ་བོ་ཞེས་སུ
iiif viewer powered by OpenSeadragon
