| e-texts navigator |
| Wylie |
45a1 ནས།། ཡེ་ཤེས་ཐུགས་རྗེ་ཁྲོས་པ་ཡིས།། དགོད་དང་གཤེ་དང་ཟ་བྱེད་པའོ།། ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ།། ཁྲག་འཐུང་ཀུན་གྱི་ཐུགས་ཀྱི་ཐུགས།། རྡོ་རྗེ་རབ་ཏུ་ཀི་ལ་ཡ།། དྲེགས་པ
45a2 ཚོགས་རྣམས་སྒྲོལ་མཁས་པ།། དེ་ཡི་དངོས་གཞི་ཇི་ལྟར་ལགས།། གདབ་པའི་ཐབས་སུ་ཇི་ལྟར་བགྱི།། ཐེག་པའི་མཚན་ཉིད་ཇི་ལྟར་ལགས།། གསོ་བའི་ཆོ་ག་ཅི་ལྟར་བགྱི།། སླར་དབྱུང་ཆོ་ག་ཇི་ལྟར
45a3 ལགས།། གསང་བ་མཆོག་གི་བདག་པོས་བཀའ་སྩལ་པ།། དུས་གསུམ་བདེར་གཤེགས་ཐམས་ཅད་ཀྱི།། ཐུགས་ཀྱི་སྲས་མཆོག་ཀཱི་ལ་ཡ།། དྲེགས་པ་འདུལ་ཕྱིར་ཐུགས་ལས་ཤར།། སྲས་མཆོག་དེ་ཡི་དངོས་གཞི
45a4 ཡང་།། བྱང་ཆུབ་སེམས་ཀྱི་ཕུར་པ་སྟེ།། མ་བཏབ་བཞིན་དུ་ལས་རྣམས་རྫོགས།། སྲིད་པ་གདར་ཤ་བཅད་ནས་ནི།། མཚན་མ་དབྱིངས་སུ་རྟོགས་གྱུར་ཏེ།། གཞུང་བཞིན་བཏབ་ན་ཐེབས་པར་ངེས།། ཐེབས་པའི
45a5 རྟགས་སུ་བསྟན་པ་ནི།། ཡང་དག་དོན་དུ་བསྟན་པ་ནི།། སྣང་སྲིད་ཆོས་རྣམས་ཐམས་ཅད་ཀུན།། མཚན་མེད་ངང་དུ་རྟོགས་པ་ཡི།། དྲོད་ཆེན་རྟགས་ཀྱང་འབྱུང་བར་ངེས།། ཀུན་རྫོབ་རྟགས་སུ་བསྟན་པ་ནི།། མངོན
45a6 དུ་སྣང་བ་འབྱུང་བར་འགྱུར།། ཐེབས་ནས་གསོ་བའི་ཆོ་ག་ཡང་།། བདུད་རྩི་འཁྱིལ་པས་བྱ་བར་ཤིས།། བཏབ་ནས་སླད་དབྱུང་ཆོ་ག་ནི།། རྡོ་རྗེ་ལྕགས་ཀྱུའི་སྦྱོར་བ་ཡིས།། སྙིང་རྗེར་བསྒོམས་ཏེ་དབྱུང་བར་བྱ།། ཡང
iiif viewer powered by OpenSeadragon
