| e-texts navigator |
| Wylie |
44b1 ངན་སྤྱོད་ཐམས་ཅད་ཀྱང་།། ཚོགས་ཆེན་གཉིས་སུ་རྫོགས་པར་རོལ།། དོན་དམ་སྟོང་པ་རྒྱུ་ཡི་ཚུལ།། ཆོས་སྐུ་ཤེས་རབ་བཅས་སུ་བཤད།། ཀུན་རྫོབ་དངོས་པོ་འབྲས་བུའི་ཚུལ།། ཐབས་མཆོག་གཟུགས་སྐུར་མངོན
44b2 སངས་རྒྱས།། ཉོན་མོངས་རྒྱུ་ནས་རྣམ་པར་དག། དམྱལ་བའི་གནས་ཉིད་བླ་མེད་གནས།། རྣལ་འབྱོར་རིག་པ་འདིར་ལྡན་ན།། སྤྱོད་ཡུལ་ཀུན་ཏུ་མི་འདའ་ལ།། ཐམས་ཅད་མཉམ་པའི་ངང་དུ་གནས།། ཡང་རྡོ་རྗེ
44b3 ཡིད་ཀུན་ཏུ་བཟང་པོས་གསོལ་པ།། ཐམས་ཅད་མཉམ་པའི་ངང་ཉིད་ལས།། ཐམས་ཅད་དབྱེར་མེད་གཅིག་པ་ལས།། ལོག་པའི་ལམ་པའི་དྲེགས་པ་རྣམས།། སྲིད་རྩ་ཉེས་དམིགས་ཇི་ལྟར་ལགས།། མ་དད་རྒྱུ་དེ་ཇི
44b4 ལྟར་ལགས།། ཐུགས་རྗེས་འདུལ་བ་ཅི་ཡི་ཕྱིར།། གསང་བ་མཆོག་གི་བདག་པོས་བཀའ་སྩལ་པ།། ལོག་པའི་ལམ་པའི་དྲེགས་པ་དེ།། གསང་བའི་ཐེག་པའི་སྒོར་ཞུགས་ནས།། སེམས་ལ་ཉོན་མོངས་རྒྱུད་འཆང
44b5 བས།། རང་བཞིན་གསང་བ་མ་རྟོགས་པར།། དངོས་རྟོགས་རྫས་ལ་མངོན་པར་འཆེལ།། རང་སེམས་སྐད་ཅིག་རང་བཞིན་ལ།། རྟག་པ་ཐེག་ཟུག་བལྟས་པ་ཡིས།། སྲིད་རྩ་ཉེས་དམིགས་དེ་ལས་བྱུང་།། ཆེ་བའི་ང
44b6 རྒྱལ་དབང་གིས་ན།། ཞི་བས་འདུལ་ལ་དད་མི་འགྱུར།། སྔ་མར་བསྟན་པའི་སྟོབས་ཤུགས་ཀྱིས།། ཁྲོས་པའི་ཐུགས་རྗེས་འདུལ་བར་འགྱུར།། དྲེགས་པའི་ང་རྒྱལ་ཁྲོས་པས་ཀྱང་།། འཇིག་རྟེན་ཁམས་ཀུན་སྤ་བཀོད
iiif viewer powered by OpenSeadragon
