| e-texts navigator |
| Wylie |
44a1 ཏན་བཤད་པ་རྣམས།། སྐུ་གསུང་ཐུགས་ཀྱི་དཀྱིལ་འཁོར་གྱི།། ལས་དང་ཡོན་ཏན་ཉིད་ཡིན་པར།། མཁས་པས་དེ་བཞིན་རིག་པར་བྱ།། ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ།། སྣ་ཚོགས་སྣ
44a2 ཚོགས་འགྲོ་རྣམས་ལ།། སྣ་ཚོགས་བདེར་གཤེགས་རྒྱལ་བ་ཡི།། སྤྲུལ་པ་སྣ་ཚོགས་སྣ་ཚོགས་པས།། སྣ་ཚོགས་སྣ་ཚོགས་ཅིས་འདུལ་བས།། བཏུལ་བ་སྣ་ཚོགས་ཇི་ལྟར་ལགས།། གསང་བ་མཆོག་གི་བདག་པོས
44a3 བཀའ་སྩལ་པ།། ཀུན་ཏུ་སྣ་ཚོགས་སྐལ་བཟང་གི། འགྲོ་རྣམས་སྣ་ཚོགས་བཏུལ་བ་དང་།། སྣ་ཚོགས་འགྲོ་རྣམས་རང་རང་གི། ལས་འཕྲོའི་དབང་གིས་སྣང་བ་ལས།། དེ་བཞིན་ད་ཀྱིས་བཅོས་པ་མེད།། བདེར
44a4 གཤེགས་རྒྱལ་བ་ཐམས་ཅད་ཀྱིས།། དངོས་པོ་རྡུལ་ཙམ་མི་གཟིགས་ཏེ།། ཆེད་དུ་རྣམ་པར་མི་སྤྲུལ་ཡང་།། སེམས་ཅན་ལྟ་སྤྱོད་ཐ་དད་པས།། བདེར་གཤེགས་སྐུ་ཡང་སྣང་མཐའ་ཡས།། དེ་བས་གདུལ་བྱའི་འགྲོ
44a5 རྣམས་དང་།། བདེར་གཤེགས་སྒྱུ་འཕྲུལ་སྣ་ཚོགས་ཀྱང་།། འཁྲུལ་པའི་དབང་གིས་སྣང་བར་ཟད།། ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ།། གསང་བའི་རྡོ་རྗེ་ཐེག་མཆོག་ལ།། ངན་ཟོས་ངན་སྤྱོད་ཐམས་ཅད
44a6 ཀུན།། བྱས་ལ་མི་སྩོགས་ཚོགས་འགྱུར་བར།། བཤད་པའི་དོན་འདི་ཇི་ལྟར་ལགས།། གསང་བ་མཆོག་གི་བདག་པོས་བཀའ་སྩལ་པ།། སེམས་དཔའ་ཆེན་པོ།། དེ་བཞིན་ཉིད་ལ་གནས་བཅས་ནས།། ངན་ཟོས
iiif viewer powered by OpenSeadragon
