| e-texts navigator |
| Wylie |
43b1 ཉིད།། ཡེ་ནས་ལྷུན་གྲུབ་གནས་བཞིན་དུ།། ཏིང་འཛིན་བསྐྱེད་པའི་དཀྱིལ་འཁོར་དེས།། ཡོངས་སུ་འགྲུབ་པར་མི་འགྱུར་ན།། འདི་ཡི་དགོས་པ་ཇི་ལྟར་ལགས།། འདི་ལ་ཁྱད་པར་ཅི་ཞིག་མཆིས།། གསང་བ་མཆོག
43b2 གི་བདག་པོས་བཀའ་སྩལ་པ།། དག་པའི་རྒྱུད་དང་མི་ལྡན་པས།། བསྐྱེད་ཀྱང་རྫོགས་པར་མི་འགྱུར་ལ།། དག་པའི་རྒྱུད་ལྡན་དབང་ཕྱུག་དེ།། ཡེ་ནས་སངས་རྒྱས་ཡིན་པའི་ཕྱིར།། ཏིང་འཛིན་བསྐྱེད་པའི་དཀྱིལ
43b3 འཁོར་རྣམས།། ཐུགས་ཀྱི་སྲས་སུ་རྫོགས་པ་དང་།། དེས་ཀྱང་དངོས་གྲུབ་སྟེར་བར་ངེས།། རང་རྒྱུད་རྣམ་པར་དག་གྱུར་ན།། རྫོགས་དང་བསྐྱེད་པའི་དཀྱིལ་འཁོར་ལ།། ཁྱད་པར་མེད་པར་རྒྱལ་བས་གསུངས།། དེ
43b4 བས་རྣལ་འབྱོར་ཁས་འཆེས་པས།། ཏིང་འཛིན་ནན་ཏན་དག་པར་བྱའོ།། ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ།། སྣ་ཚོགས་ལས་ཀྱི་སྔགས་རྣམས་དང་།། སྣ་ཚོགས་ལས་ཀྱི་ཕྱག་རྒྱ་ཡིས།། སྣ་ཚོགས་ལས
43b5 རྣམས་འགྲུབ་འགྱུར་བ།། གང་གི་སྟོབས་ཀྱིས་འགྲུབ་པར་འགྱུར།། གསང་བ་མཆོག་གི་བདག་པོས་བཀའ་སྩལ་པ།། སེམས་དཔའ་ཆེན་པོ།། སྣ་ཚོགས་སྔགས་དང་ཕྱག་རྒྱ་ཡིས།། ལས་རྣམས་སྣ་ཚོགས་འགྲུབ་གྱུར
43b6 པའི།། ཏིང་འཛིན་སྟོབས་ཀྱིས་ངོ་མཐོན་དུ།། སེམས་ཀྱི་སྤྲུལ་པ་འབྱུང་བར་འགྱུར།། སེམས་ཉིད་དག་པའི་ངང་ཉིད་ལས།། ཆོ་འཕྲུལ་སྣ་ཚོགས་ཟད་མི་ཤེས།། སྣ་ཚོགས་སྔགས་དང་ཕྱག་རྒྱ་དང་།། སྣ་ཚོགས་ཡོན
iiif viewer powered by OpenSeadragon
