| e-texts navigator |
| Wylie |
42b1 པའམ།། བདེ་བར་གཤེགས་པ་ཐམས་ཅད་ཀྱི།། སོ་སོ་རང་གི་མཚན་ཉིད་དེ།། ཇི་ལྟར་ཐུགས་སུ་ཆུད་པ་བཞིན།། བྱང་ཆུབ་སེམས་ཀྱང་དེ་བཞིན་དུ།། བདེར་གཤེགས་རྒྱལ་བ་ཀུན་གྱིས་གསུངས།། དེ་ནས་ཡང་རྡོ་རྗེ
42b2 ཡིད་ཀུན་ཏུ་བཟང་པོས་གསོལ་པ།། གཟུགས་བརྙན་སྤྱི་ཡི་དཀྱིལ་འཁོར་དུ།། རྒྱལ་བ་སངས་རྒྱས་ཀུན་བཀོད་པར།། གསང་བའི་དཀྱིལ་འཁོར་ཀུན་འདུས་ནས།། རང་རང་སྤྱི་རུ་དབྱེ་བ་ཡི།། རྣམ་གྲངས་དོན་དེ་ཇི
42b3 ལྟར་ལགས།། གསང་བ་མཆོག་གི་བདག་པོས་བཀའ་སྩལ་པ།། དོན་དམ་ཉིད་དུ་དབྱེར་མེད་ཀྱང་།། ཀུན་རྫོབ་བདེན་པའི་དབང་ཙམ་དུ།། བདེར་གཤེགས་རྒྱལ་བས་གང་ལ་ཡང་།། སྐུ་དང་གསུང་ཐུགས་ཡོན་ཏན
42b4 དང་།། ལས་ལྔ་དང་ནི་སྤྱི་དང་དྲུག། རང་གི་རྒྱུད་དུ་གནས་པའི་ཕྱིར།། དཀྱིལ་འཁོར་རྣམས་ཀྱང་དེ་སྙེད་དུ།། བདེར་གཤེགས་རྒྱལ་བ་ཉིད་ཀྱིས་གསུངས།། རྡོ་རྗེ་ཡིད་ཀུན་ཏུ་བཟང་པོས་གསོལ་པ།། སྐུ་དང
42b5 གསུང་ཐུགས་ཡོན་ཏན་ལས།། ཁྱད་པར་སྤྱི་ཡི་དཀྱིལ་འཁོར་དང་།། རྣམ་པ་དྲུག་པོར་བཀའ་སྩལ་པ།། དྲུག་ཚན་གསུམ་དུ་གསུངས་པ་དེ།། དགོས་ཆེད་ཇི་ལྟ་བུ་དག་མཆིས།། གསང་བ་མཆོག་གི་བདག་པོས་བཀའ
42b6 སྩལ་པ།། སེམས་དཔའ་ཆེན་པོ་དྲུག་ཏུ་བཤད་པར་མ་ཟད་དེ།། དེ་དག་རེ་རེ་དག་ལ་ཡང་།། སྐུ་གསུང་ཐུགས་སུ་གནས་པས་ན།། གསུམ་གསུམ་དག་ཏུ་བརྗོད་པ་ཡིན།། སྤྱི་དང་ལས་དང་ཡོན་ཏན་ཡང་།། དོན་ལ
iiif viewer powered by OpenSeadragon
