| e-texts navigator |
| Wylie |
42a1 ལགས།། ཞེས་གསོལ་པ། གསང་བ་མཆོག་གི་བདག་པོས་བཀའ་སྩལ་པ།། ཐུགས་ནི་རྣམ་ཤེས་ཡིན་པས་ན།། ཞེ་སྡང་སེམས་ལ་གནས་བཅའ་བའོ།། གཟུགས་ནི་སྐུ་ཡི་རྣམ་པ་བས།། གཏི་མུག་གླེན
42a2 པས་བཅིངས་པར་བཤད།། ཚོར་བ་མྱོང་ནས་མི་གཏོང་བར།། ང་རྒྱལ་ང་རྒྱལ་ཞེས་སུ་བཤད།། འདུ་ཤེས་ཤེས་ནས་ཆགས་པས་ཆགས།། འདོད་པ་ཆགས་པས་འདོད་ཆགས་སོ།། ཕྲག་དོག་མངོན་པར་འདུ་བྱེད
42a3 ཉིད།། སངས་རྒྱས་ལྔ་རུ་རབ་ཏུ་གྲགས།། དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་འདི་སྐད་ཅེས་གསོལ་ཏོ།། ནམ་མཁའ་ས་ཆུ་མེ་རླུང་དང་།། དབྱིངས་ཕྱུག་ལྔ་རུ་བཀའ་སྩལ་པ།། ངོ་བོ་ཇི་ལྟར་གསལ་བར
42a4 བཞེད།། ཅེས་གསོལ་ཏོ།། གསང་བ་མཆོག་གི་བདག་པོས་བཀའ་སྩལ་པ།། གཏི་མུག་ནམ་མཁའི་ངོ་བོ་སྟེ།། ཞེ་སྡང་མེ་ནི་འབར་བར་བཤད།། འདོད་ཆགས་ཆུ་ཡི་ངོ་བོ་སྟེ།། ང་རྒྱལ་སྲ་བ་ས་ཡི་ཁམས།། ཕྲག་དོག
42a5 རླུང་གི་ངོ་བོ་ཡིན།། དེ་བས་དབྱིངས་ཕྱུག་ལྔ་རུ་བཤད།། དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་འདི་སྐད་ཅེས་གསོལ་ཏོ།། དོན་དམ་ཀུན་རྫོབ་ཐ་མི་དད།། བྱང་ཆུབ་ཐིག་ལེའི་རང་བཞིན་དེ།། སྤྲོས་པའི་མཚན་མ
42a6 མེད་ལགས་ན།། རྣམ་གྲངས་དོན་དེ་ཇི་ལྟར་ལགས།། གསང་བ་མཆོག་གི་བདག་པོས་བཀའ་སྩལ་པ།། ཐ་དད་མེད་པའི་བྱང་ཆུབ་སེམས།། སྤྲོས་མེད་རྒྱུ་ཡི་ཚུལ་ཉིད་ལས།། འབྲས་བུ་ཡེ་ཤེས་ལྔར་བཤད
iiif viewer powered by OpenSeadragon
