| e-texts navigator |
| Wylie |
41b1 བདག་པོའི་མཚན་ཉིད་ཅི།། གསང་བ་མཆོག་གི་བདག་པོས་བཀའ་སྩལ་པ། སེམས་དཔའ་ཆེན་པོ།། ཤེས་རབ་ཡུམ་གྱི་མཁའ་དབྱིངས་སུ།། བྷ་ག་ཡངས་པའི་གཞལ་ཡས་སུ།། རང་སྔགས་སྐྱེས་བུར་རྣམ་གསལ
41b2 བ།། སྣོད་དང་བཅུད་ཀྱི་མཚན་ཉིད་དང་།། ཤེས་རབ་ཐབས་སུ་འབྲེལ་པ་ནི།། བདེར་གཤེགས་རྒྱལ་བ་ཀུན་གྱིས་གསུངས།། ཞེས་གསུངས་སོ།། དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ།། ཀྱེ་མའོ།
41b3 གསང་བ་མཆོག་གི་བདག། ཏིང་ངེ་འཛིན་དང་སྙིང་པོ་དང་།། རང་མཚན་སོ་སོའི་སྐུར་རྫོགས་པས།། རྟེན་འབྲེལ་དོན་དེ་ཇི་ལྟར་ལགས།། ཞེས་གསོལ་པ་དང་། གསང་བ་མཆོག་གི་བདག་པོས་བཀའ་སྩལ
41b4 པ།། སེམས་དཔའ་ཆེན་པོ་ཉོན་ཅིག། ཏིང་འཛིན་ཞེས་བྱ་ཡེ་ཤེས་ཏེ།། དོན་དམ་རྒྱུ་ཡི་ཚུལ་དུ་གནས།། སྙིང་པོ་ཞེས་སུ་གསུང་དུ་གྲགས།། ཐུགས་ཀྱི་མཚན་མ་ཐུགས་ཉིད་དེ།། རྣམ་པ་ཀུན་རྫོབ་སྐུ་ཡི་རྒྱ།། འབྲས་བུ
41b5 སྐུ་གསུང་ཐུགས་སུ་གྲགས།། ཏིང་ངེ་འཛིན་ནི་ལས་ཀྱི་རྒྱ།། སྙིང་པོ་ཆོས་ཀྱི་ཕྱག་རྒྱ་སྟེ།། ཐུགས་ཀྱི་མཚན་མ་དམ་ཚིག་རྒྱ།། ཡོངས་སུ་རྫོགས་པ་སྐུ་ཡི་སྟེ།། མདོར་བསྡུས་ཕྱག་རྒྱ་རྣམ་པ་བཞི།། ཞེས་གསུངས་སོ།། དེ
41b6 ནས་ཡང་རྡོ་རྗེ་ཡིད་ཀུན་ཏུ་བཟང་པོས་འདི་སྐད་ཅེས་གསོལ་ཏོ།། ཀྱེ་མའོ་གསང་བ་མཆོག་གི་བདག། ཞེ་སྡང་ཞེས་བགྱི་ཇི་ལྟར་ལགས།། གཏི་མུག་ང་རྒྱལ་འདོད་ཆགས་དང་།། དེ་བཞིན་ཕྲག་དོག་ཇི་ལྟར
iiif viewer powered by OpenSeadragon
