| e-texts navigator |
| Wylie |
41a1 ཕྱིར།། དང་པོ་སྟོང་པ་ཆེན་པོར་བསྒོམ།། དམ་པའི་དོན་གྱི་བྱང་ཆུབ་སེམས།། རྒྱུ་ཡི་ཚུལ་དུ་རྣམ་པར་གནས།། རྒྱུ་དང་འབྲས་བུར་འབྲེལ་པས་ན།། མཚམས་སུ་སྦྱོར་བའི་ཏིང་འཛིན་བསྒོམ།། འདི་ནི
41a2 ཀུན་རྫོབ་བྱང་ཆུབ་སེམས།། རྐྱེན་གྱི་ཚུལ་དུ་རྣམ་པར་གནས།། རྒྱུ་ལས་འབྲས་བུར་སྣང་བས་ན།། ཡོངས་སུ་རྫོགས་པའི་རྣམ་པར་སྣང་།། རང་བྱུང་སྐུ་སྟེ་ཆེ་བའི་མཆོག། འབྲས་བུའི་ཚུལ་དུ་མངོན་སངས
41a3 རྒྱས།། རང་བྱུང་རྒྱལ་བའི་སྐུ་མཆོག་ལས།། ཤེས་རབ་ཐབས་ཀྱི་འཕྲོ་འདུ་ལས།། སྦྱོར་བའི་བྱིན་རླབས་འོད་འཕྲོས་པས།། འགྲོ་བའི་དོན་རྣམས་རྫོགས་པར་འགྱུར།། སྟོང་པ་ཉིད་དང་སྙིང་རྗེ་ཆེ།། ཐ་མི་དད་པའི
41a4 བྱང་ཆུབ་སེམས།། བསྙེན་པ་ཞེས་སུ་རྒྱལ་བས་གསུངས།། རང་བྱུང་རྒྱལ་བའི་སྐུ་མཆོག་ཏུ།། བདག་ཉིད་ཤེས་པར་འགྱུར་བ་ནི།། ཉེ་བར་བསྙེན་པའི་དམ་ཚིག་ཡིན།། ཤེས་རབ་ཡུམ་གྱི་མཚན་ཉིད་ནི།། སྒྲུབ་པ་ཞེས
41a5 ནི་བྱ་བར་བཤད།། ཤེས་རབ་ཐབས་སུ་གཉིས་མེད་པས།། སྒྲུབ་པ་ཆེན་པོར་རྣམ་པར་བཤད།། དེ་བས་རྣམ་པ་བཞི་པོ་ནི།། ཀུན་གྱི་ཐོག་མར་འགྲོ་བ་ཡིན།། ཞེས་གསུངས་སོ།། དེ་ནས་ཡང་རྡོ་རྗེ་ཡིད་ཀུན་ཏུ་བཟང
41a6 པོས་འདི་སྐད་ཅེས་གསོལ་བ་བཏབ་བོ།། ཀྱེ་མའོ་བདེར་གཤེགས་རྒྱལ་བའི་གཙོ།། བྱང་ཆུབ་སེམས་ཀྱི་བྱིན་རླབས་ལས།། ཐོག་མར་གཞལ་ཡས་བྱང་ཆུབ་སེམས།། དེ་དབུས་རང་སྔགས་སྐྱེས་བུ་ཉིད།། གནས་དང
iiif viewer powered by OpenSeadragon
