| e-texts navigator |
| Wylie |
40b1 དག་བཞེད།། འདི་དོན་ཇི་ལྟར་རྟོགས་པར་བགྱི།། གསང་བ་མཆོག་གི་བདག་པོས་བཀའ་སྩལ་པ།། ཁམས་གསུམ་གནས་པའི་སེམས་ཅན་ལ།། མདོ་དོན་འདི་ལྟར་གཅེས་པས་ན།། དགོས་པ་ཞེས་སུ་བཤད་པ
40b2 ཡིན།། འདི་དོན་རྟོགས་པའི་རྣལ་འབྱོར་པས།། གཞན་དག་བདེ་བླག་རྟོགས་འགྱུར་བས།། མདོ་གཞན་དག་དང་འབྲེལ་པར་བཤད།། མདོ་འདི་དག་ལ་བརྟེན་ནས་སུ།། དངོས་གྲུབ་ཁྱད་པར་ཅན་ཡང་ཐོབ།། དེ
40b3 ནས་དགོས་པ་དག་དང་འབྲེལ།། ཏིང་ངེ་འཛིན་དང་བྱང་ཆུབ་སེམས།། གཟུགས་བརྙན་ཏིང་འཛིན་དཀྱིལ་འཁོར་དང་།། སྔགས་དང་ཕྱག་རྒྱ་ཐུགས་རྗེས་འདུལ།། ལས་དང་དམ་ཚིག་མདོ་ཡི་དོན།། རྣམ་བཤད
40b4 བརྗོད་པ་ཞེས་སུ་བཤད།། དངོས་གྲུབ་འབྲས་བུ་ཁྱད་པར་ཅན།། གདོན་མི་ཟ་བར་ངེས་འགྲུབ་པ།། ཡང་དགོས་ཡིན་པར་རྒྱལ་བས་གསུངས།། དེ་བས་རྣམ་པ་བཞི་པོ་ཡིས།། བདེ་བླག་དག་ཏུ་རྟོགས་འགྱུར
40b5 ཕྱིར།། རྣམ་བཞི་ཁོང་དུ་ཆུད་པར་གཅེས།། ཞེས་གསུངས་སོ།། དེ་ནས་རྡོ་རྗེ་ཡིད་ཀུན་ཏུ་བཟང་པོས་ཡང་འདི་སྐད་ཅེས་གསོལ་ཏོ།། ཀྱེ་མའོ་བདེར་གཤེགས་རྡོ་རྗེ་འཛིན།། སྟོང་པ་ཉིད་དང་སྙིང་རྗེ་དང་།། སྐུ་ཉིད
40b6 ཡོངས་སུ་རྫོགས་པ་དང་།། ཤེས་རབ་ཐབས་སུ་རྣམ་བསྐུལ་བས།། སྤྲོ་དང་བསྡུ་བའི་མཚན་ཉིད་ཅི།། གསང་བ་མཆོག་གི་བདག་པོས་བཀའ་སྩལ་པ།། སེམས་དཔའ་ཆེན་པོ།། དེ་བཞིན་ཉིད་ལས་གནས་བཅས
iiif viewer powered by OpenSeadragon
