| e-texts navigator |
| Wylie |
3b1 ནི།། མཁའ་ལྟར་གོ་ཡང་འབྱེད་ཅིང་ཀུན་ལ་ཁྱབ།། རིག་པ་སྙིང་རྗེ་ནམ་མཁའི་དབྱིངས་རུམ་ནས།། ལོངས་སྤྱོད་རྫོགས་པའི་སྐུ་མཆོག་བསྟན་དུ་གསོལ།། ཨ་ལ་ལ་ཧོ་ཞེས་རྣམ་པར་བསྐུལ་ལོ།། དེ་ནས་བཅོམ་ལྡན
3b2 འདས་གསང་བ་མཆོག་གི་བདག་པོས་བསྐུལ་བར་མཁྱེན་ནས། སྙིང་རྗེའི་ངང་ནས་རིག་པའི་ཆོ་འཕྲུལ་རྣམ་པར་འཕྲུལ་ཏེ། ནམ་མཁའི་དབྱིངས་ནས་རྡོ་རྗེའི་སྐུ་མངོན་དུ་ཕྱུང་སྟེ། དཔེར་ན་ནམ་མཁའི་དབྱིངས་རུམ
3b3 ནས་ཉི་མ་འབུམ་དུས་གཅིག་ཏུ་ཤར་བའི་གཟི་བརྗིད་ལྟ་བུའོ།། དེ་ནས་ཡུམ་ཀུན་ཏུ་བཟང་མོས་སྨིན་རིང་བསྒྱུར་ཏེ་སྤྱན་འཛུབ་བག་ཏུ་བལྟས་ནས། རྨད་དུ་བྱུང་བའི་གར་གླུས་རྣམ་པར་བསྐུལ་བའི་ཕྱིར་གླུ་འདི
3b4 བླངས་སོ།། ཨེ་མ་ཧོ།། ཡིད་བཞིན་སྐུ་མཆོག་ཉི་མ་ལྟ་བུ་ལས།། སྤྲུལ་པའི་ཆོ་འཕྲུལ་རྡོ་རྗེ་གར་མཛད་ཅིང་།། བརྗིད་པའི་སྐུ་མཆོག་ཡོངས་སུ་རྫོགས་པ་ཡི།། འབར་བའི་སྐུ་མཆོག་བདག་ལ་བསྟན་དུ་གསོལ།། ཨ
3b5 ལ་ལ་ཧོ།། ཞེས་རྣམ་པར་བསྐུལ་བས། བསྐུལ་བར་ཐུགས་སུ་ཆུད་དེ། རོལ་པའི་སྐུ་ཞལ་གསུམ་པ་ལྟ་བུར་སྣང་བ། ཡེ་ཤེས་ཀྱི་རྡོ་རྗེ་རྩེ་མོ་དགུ་པ་ཅན་ལྟ་བུར་སངས་རྒྱས་རྣམས་ཀྱིས་གཟིགས་པར་གྱུར་ཏོ།། དེ་ནས
3b6 བཅོམ་ལྡན་འདས་གསང་བ་མཆོག་གི་བདག་པོ་དེས། ཧཱུཾ་ཞེས་བརྗོད་པས་འཁོར་གྱི་དཀྱིལ་འཁོར་དེ་དག་ཐམས་ཅད་ཉིད་ཀྱི་སྐུ་ལ་བསྡུ་བར་མཛད་དོ།། བསྡུ་བར་མཛད་ནས་ཡང་ཉིད་ཀྱི་སྐུ་རྣམ་པ་སྣ་ཚོགས་ཀྱི་གླུ
iiif viewer powered by OpenSeadragon
