| e-texts navigator |
| Wylie |
3a1 དུས་གསུམ་གྱི་རྒྱལ་བ་གྲངས་མེད་པ་རྣམས་ལ་ཡང་རྣམ་པར་གཟིགས་སོ།། རྣམ་པར་གཟིགས་ནས་ཆོས་ཐམས་ཅད་སྟོང་པ་ཆེན་པོའི་དོན་ལ་མནལ་ཏེ། སྒྲ་བསམ་ལས་འདས་པ་དེ་བཞིན་ཉིད་ཀྱི
3a2 ཏིང་ངེ་འཛིན་ལ་སྙོམས་པར་བཞུགས་སོ།། དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་སྟོང་པ་ཆེན་པོར་གྱུར་པ་ནི། དཔེར་ན་ནམ་མཁའི་མཚན་ཉིད་ཙམ་དུ་ཡང་བསྐྲུན་དུ་ཡོད་པ་མ་ཡིན་ནོ།། དེ
3a3 ནས་ཡུམ་ཀུན་ཏུ་བཟང་མོས། བཅོམ་ལྡན་འདས་གསང་བ་མཆོག་གི་བདག་པོ་དགོངས་པ་ཆོས་ཀྱི་དབྱིངས་ལ་མནལ་བཞིན་དུ་སྟོང་པ་ཉིད་ཀྱི་ངང་ལས་གླུ་འདི་བསྐུལ་ལོ།། ཨེ་ཨེ་མའོ།། སྟོང་ཉིད་བདག་མེད་རྣམ
3a4 དག་ཀློང་ཡངས་ནས།། སྙོམས་པའི་ཐུགས་རྗེ་འབྱུང་བར་མི་དམིགས་ཀྱང་།། ཤེས་རབ་དོན་དམ་ཆོས་སྐུ་དག་པ་ལས།། མི་འགོག་ཐབས་ཀྱི་སྙིང་རྗེ་ནམ་མཁར་སྟོན་ཏོ།། ཞེས་བསྐུལ་བས། གསང་བ་མཆོག་གི
3a5 བདག་པོ་དེས། བསྐུལ་བར་མཁྱེན་ནས། སྟོང་པ་ཉིད་ཀྱི་ངག་ལ་མནལ་བཞིན་དུ། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ལ་ཁྱབ་པ་ཆེན་པོ་སྙིང་རྗེའི་ཏིང་ངེ་འཛིན་ལ་སྙོམས་པར་བཞུགས
3a6 སོ།། དེའི་ཚེ་ཆོས་ཐམས་ཅད་སྙིང་རྗེ་ནམ་མཁའི་ངོ་བོ་ཙམ་དུ་གནས་པར་གྱུར་ཏོ།། དེ་ནས་ཡང་ཡུམ་ཀུན་ཏུ་བཟང་མོས་སྟོང་པ་ཉིད་ཀྱི་ངང་ལས་གླུ་འདིས་བསྐུལ་ཏོ།། ཨེ་མ་ཧོ།། མ་ལྟར་བྱམས་པའི་སྙིང་རྗེ་ཆེན་པོ
iiif viewer powered by OpenSeadragon
