| e-texts navigator |
| Wylie |
38b1 བཅོམ་ལྡན་འདས་གསང་བ་མཆོག་གི་བདག་པོ་དེས་རྡོ་རྗེ་ཡིད་ཀུན་ཏུ་བཟང་པོའི་ལྕེ་པདྨོའི་སྟེང་དུ་ལས་ཀྱི་རྡོ་རྗེ་རྒྱ་གྲམ་ཞིག་བཞག་སྟེ། རྡོ་རྗེ་ཆོས་སུ་དབང་བསྐུར་ཏེ། དོན་བསྡུ་བར་བྱིན་གྱིས་བརླབས་ནས་བཀའ
38b2 སྩལ་པ། སེམས་དཔའ་ཆེན་པོ་ང་མངོན་པར་རྫོགས་པར་སངས་རྒྱས་ནས། མདོ་འདི་བཤད་ཀྱི་བར་དུ་ཚིག་གཅིག་ཙམ་ཡང་བཤད་ཅིང་བརྗོད་པ་མེད་དོ།། དེ་ཅིའི་ཕྱིར་ཞེ་ན། ཆོས་ཐམས་ཅད་ནི་བཤད་ཅིང་བརྗོད
38b3 པ་དང་བྲལ་བའོ།། ཕྱོགས་བཅུ་དུས་བཞིའི་སངས་རྒྱས་རྣམས་ནི་བཤད་ཅིང་བརྗོད་པ་དང་བྲལ་བའི་དོན་ཐུགས་སུ་ཆུད་ནས་མངོན་པར་རྫོགས་པ་སངས་རྒྱས་སོ།། དེ་བས་ན་མ་འོངས་པའི་རྣལ་འབྱོར་དད་པ་ཅན
38b4 རྣམས་ཀྱིས་ཀྱང་བརྗོད་པ་བྲལ་བའི་དོན་བདེ་བླག་ཏུ་རྟོགས་ཤིང་ཁོང་དུ་ཆུད་པར་བྱ་བའི་ཕྱིར། མདོ་འདི་བཤད་དོ་བརྗོད་དོ།། སེམས་དཔའ་ཆེན་པོ་ཁྱོད་ཀྱང་མ་འོངས་པའི་རྣལ་འབྱོར་པའི་དོན་དུ་མདོ་འདི་དོན
38b5 བསྡུས་ལ་མི་ནུབ་པའི་ཕྱིར་གསུང་ཆོས་ཀྱི་ཡི་གེར་ཡང་སྣང་ཞིང་མི་ནུབ་པར་གྱིས་ཤིག། འོན་ཏང་ན་དད་པ་ཅན་གྱི་རྣལ་འབྱོར་དེ་དག་ནི་རྡོ་རྗེ་ཐེག་པའི་གཏིང་འཛུགས་ཤིང་། རྣལ་འབྱོར་གྱི་དབང་ཕྱུག་ཆེན་པོའི
38b6 རྒྱུད་འཛིན་པར་འགྱུར་རོ།། སེམས་དཔའ་ཆེན་པོ་དེ་བས་ན་མདོ་འདི་ནི་རྣལ་འབྱོར་པ་རྣམས་ཀྱི་ཉེ་ལམ་ཆེན་པོ་ཉིད་ཡིན་པས་ཤེས་པར་བྱའོ།། དེ་ནས་ཡིད་ཀུན་ཏུ་བཟང་པོ་རྡོ་རྗེ་ཆོས་རབ་ཏུ་དགའ་བའི་ཡིད་ཀྱིས
iiif viewer powered by OpenSeadragon
