| e-texts navigator |
| Wylie |
38a1 འདས།། དེ་ཕྱིར་སེམས་ནི་ཆོས་ཀྱི་རྩ་བ་སྟེ།། རྩ་བ་དེ་ཉིད་སྲིད་དང་གྲོལ་བར་སྣང་།། ཧོ།། ཨེ་མའོ་སེམས་ཉིད་སྟོང་པ་ཆེན་པོའི་དབྱིངས་ཉིད་ལས།། གནས་དང་སྟོན་པ་འཁོར་ཞེས་བྱ་བ་ག་ལ
38a2 ཡོད།། ཏིང་ངེ་འཛིན་དང་ཡིག་འབྲུ་ཕྱག་མཚན་དང་།། རྫོགས་དང་བཞུགས་ཐབས་རིམ་པར་བགྲང་དུ་མེད།། སྟོང་ཉིད་སྙིང་རྗེ་བྱང་ཆུབ་སེམས་བསྐྱེད་མེད།། གཟུགས་བརྙན་མེད་ཅིང་ཏིང་འཛིན་བསམ་དང
38a3 བྲལ།། སྔགས་དང་ཕྱག་རྒྱ་མེད་ཅིང་ཐུགས་རྗེས་འདུལ་བའང་མེད།། མ་རུངས་གདུལ་དུ་མེད་ཅིང་དྲག་པོའི་དཀྱིལ་འཁོར་མེད།། སྙིང་པོ་སྟོང་ཚུལ་མེད་དེ་རྒྱུན་གྱི་ཏིང་འཛིན་མེད།། བྱ་བ་མེད་ཅིང་སྡོམ་པ་ཀུན་ལས
38a4 འདས།། དེ་ཀུན་ཐ་སྙད་ཡིན་ཏེ་དོན་དུ་མེད།། འཁྲུལ་པ་བཟློག་ཕྱིར་ཀུན་རྫོབ་ཙམ་དུ་བསྟན་པར་ཟད།། དེ་བས་བསྟན་པ་འདི་ལ་རབ་བརྟེན་ཏེ།། དོན་དམ་བདེན་པའི་ངེས་པ་རིག་པར་བྱ།། སེམས་ལས་འདས
38a5 པའི་ཆོས་ཀྱི་རང་བཞིན་ནི།། ཚིག་དང་ཡི་གེ་ཐ་སྙད་ཀུན་ལས་འདས།། མཐུན་པའི་དཔེས་ཀྱང་དེ་ལ་མཚོན་དུ་མེད།། དེ་བས་བསྟན་པ་དེ་ཀུན་སྒྲིབ་པ་ཡིན།། མཚན་མེད་བློ་ལྡན་དེ་ལ་དད་མི་འགྱུར།། བདེན་གཉིས
38a6 བློ་ལྡན་སེམས་ལ་སྣང་བར་ཟད།། ཅེས་གསུངས་པས། འཁོར་རྣམས་རབ་ཏུ་དགའ་སྟེ། འདུས་པའི་འཁོར་ཚོགས་མ་ལུས་པ་རྣམས། དེ་ཁོ་ན་ཉིད་ཀྱི་དོན་ལ་སེམས་ཤིང་ཅང་མི་སྨྲ་བར་གྱུར་ཏེ་གནས་སོ།། དེ་ནས
iiif viewer powered by OpenSeadragon
