| e-texts navigator |
| Wylie |
37b1 བདག་པོ་ནི། དུས་བཞི་མཉམ་པ་ཉིད་ཀྱི་དབྱིངས་ལ་དགོངས་ནས་ཅང་མི་གསུང་བར་བཞུགས་སོ།། དེ་ནས་རྡོ་རྗེ་ཡིད་ཀུན་ཏུ་བཟང་པོས་ཡང་རང་གི་སྟན་ལས་ལངས་ཏེ་འདི་སྐད་ཅེས་གསོལ་བ་བཏབ་པོ།། བཅོམ
37b2 ལྡན་འདས་གསང་བ་མཆོག་གི་བདག་པོ་མདོ་འདི་ཉིད་ཀྱི་དོན་བསྡུས་ཏེ་བདག་ཅག་རྣམས་ལ་བསྒོ་བར་གསོལ།། བདེ་བར་གཤེགས་པ་བསྒོམ་པར་གསོལ།། དེ་ནས་ཡང་གསང་བ་མཆོག་གི་བདག་པོས་དགོངས
37b3 པ་ཆོས་ཀྱི་དབྱིངས་ལས་བཞེངས་ནས།། རྫུ་འཕྲུལ་གྱི་སྤྱན་གྱིས་འཁོར་གྱི་དཀྱིལ་འཁོར་ལ་ཀུན་ཏུ་གཟིགས་ཏེ། ཞལ་འཛུམ་པ་དང་བཅས་ཏེ་རྡོ་རྗེ་ཀུན་ཏུ་བཟང་པོ་ལ་གཟིགས་ཏེ། འདི་སྐད་ཅེས་བཀའ་སྩལ
37b4 ཏོ།། དེ་ནས་སེམས་དཔའ་ཆེན་པོ་ཉོན་ཅིག། རྒྱུད་ཀྱི་རྒྱལ་པོའི་ཆོས་ཀྱི་དོན་འདི་ཉིད་ངས་བསྡུས་ཏེ་བཤད་པར་བྱའོ།། ཨེ་མའོ་ཆོས་རྣམས་ཐམས་ཅད་སེམས་ཀྱི་འཁྲུལ་པ་སྟེ།། སེམས་ལས་མ་གཏོགས་ཆོས་འགའ
37b5 ཙམ་ཡང་ཡོད་མ་ཡིན།། འཁྲུལ་པ་བཟློག་ཕྱིར་རྒྱལ་བས་ཆོས་བསྟན་དང་།། དེ་ཡི་སྒྱུ་འཕྲུལ་འདྲ་འཕྲུལ་སྣང་།། འཁྲུལ་དང་འཁྲུལ་ལས་སྣང་བའི་ཆོས་རྣམས་ཀུན།། རང་གི་སེམས་ཡིན་སེམས་ཉིད་སྣང་བར་ཟད།།
37b6 སེམས་ཀྱི་རང་བཞིན་དངོས་པོར་མ་གྲུབ་སྟེ།། སྔ་ཕྱི་སེམས་ནས་རང་བཞིན་ཡོངས་ཀྱིས་མེད།། གཟོད་ནས་མ་སྐྱེས་ཡེ་ནས་རྣམ་པར་དག། ཡི་གེ་མེད་ཅིང་སྒྲ་དང་ཐ་སྙད་བྲལ།། སྟོང་པ་ཉིད་དེ་སྟོང་པའི་ཡུལ་ལས
iiif viewer powered by OpenSeadragon
