| e-texts navigator |
| Wylie |
37a1 རྒྱས་གྲུབ་པའི་རྒྱུ་དང་གཞི།། ཡིད་བཞིན་ནོར་བུ་རིན་པོ་ཆེ།། དམ་ཚིག་རྣམས་ནི་མི་གཏང་བ།། ལེགས་པའི་ཡོན་ཏན་བརྗོད་མི་ལངས།། སངས་རྒྱས་ཉིད་དང་འདྲ་བས་ན།། དངོས་གྲུབ་གཞན་ལྷ
37a2 སྨོས་ཅི་དགོས།། དེ་བས་ནན་ཏན་བསྐྱེད་དེ་བསྲུང་། ཞེས་གསུངས་སོ།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། དམ་ཚིག་རིམ་པར་ཕྱེ་བའི་ལེའུ་སྟེ་བཅུ
37a3 གཉིས་པའོ།། །། དེ་ནས་རྡོ་རྗེ་ཡིད་ཀུན་ཏུ་བཟང་པོ་ལ་སྩོགས་པའི་འདུས་པའི་འཁོར་ཚོགས་མ་ལུས་པ་རྣམས་རང་རང་གི་བསམ་པར་རངས་པར་གྱུར་ཏེ། གཙུག་གི་འདུད་པའི་ཕྱག་རྣལ་འབྱོར་གྱི་ཚུལ་དུ་བྱས
37a4 ཏེ། གསང་བ་མཆོག་གི་བདག་པོ་ལ་མདུན་གྱིས་བལྟས་ཏེ། ངོ་མཚར་རྨད་དུ་བྱུང་བའི་ཚིག་འདི་སྐད་ཅེས་བསྒྲགས་སོ།། ཨེ་མའོ་ངོ་མཚར་རྨད་དུ་བྱུང་བའི་མཉམ་ཉིད་དབྱིངས་མཆོག་ནས།། ཐུགས་རྗེ་ཆེན་པོས
37a5 གསལ་ལ་མ་འདྲེས་ཀུན་ཏུ་ཁྱབ་པར་གདལ།། སྐུ་གསུང་ཐུགས་ཡོན་ཕྲིན་ལས་ཕྱག་རྒྱའི་དཀྱིལ་འཁོར་བརྗོད་མི་ལངས།། འགྲོ་བ་བསམ་ཡས་རྣམ་རྟོག་དེ་སྙེད་ཐུགས་རྗེ་འཕྲོས་པ་ཨེ་མའོ་ངོ་མཚར་ཆེ།། ཨེ་མ་ངོ
37a6 མཚར་རྨད་དུ་བྱུང་བའི་ཆོས།། ནམ་མཁའ་དང་ནི་མཉམ་པ་ལས།། སྒྱུ་འཕྲུལ་རྣམ་པར་འཕྲུལ་པ་རྣམས།། ཀུན་རྫོབ་ཙམ་དུ་བསྟན་པ་མཚར།། ཞེས་ཆེད་དུ་གླེང་ངོ་།། དེ་ནས་བཅོམ་ལྡན་འདས་གསང་བ་མཆོག་གི
iiif viewer powered by OpenSeadragon
