| e-texts navigator |
| Wylie |
36b1 དང་གཉེར་གཏད་པའི།། གསང་བའི་མན་ངག་འབྲས་བུ་རྣམས།། སྣོད་ངན་ཕལ་ལ་མི་སྤེལ་བ།། འདི་ནི་ཐུགས་ཀྱི་ས་མ་ཡ།། ས་མ་ཡ་ནི་རྡོ་རྗེ་ཆེ།། དེ་དག་ཉམས་པར་གྱུར་ན་ནི།། རྩ་བ་ཉམས་ཏེ་རིགས་བརླག
36b2 འགྱུར།། ཉམས་འགྱུར་ཉེས་པ་བརྗོད་མི་ལངས།། རྩ་བའི་དམ་ཚིག་ཉམས་པ་དང་།། དམ་ལ་གནས་པའི་རྣལ་འབྱོར་གཉིས།། སྐད་ཅིག་ཡུད་ཙམ་སྨྲ་མི་བྱ།། སྨྲས་ན་འབྲས་བུ་ཉམས་པར་འགྱུར།། འདོད་ཆགས་ཞེ།
36b3 སྡང་གཏི་མུག་དང་།། ང་རྒྱལ་ཕྲག་དོག་ཆེན་པོ་ནི།། བདེར་གཤེགས་ལྔ་ཡི་རང་བཞིན་པས།། འདི་ནི་མི་སྤང་ས་མ་ཡ།། ཤ་ཆེན་བཤང་གཅི་ཁུ་བ་ཁྲག། དག་པའི་རྒྱུ་སྟེ་བདུད་རྩི་དངོས།། དོར་བར་མི་བྱས་མ
36b4 ཡའོ།། རྫུན་དང་ཚིག་རྩུབ་རྐུ་བ་དང་།། སྦྱོར་དང་སྒྲོལ་བའི་དམ་ཚིག་ནི།། བདེར་གཤེགས་ལྔ་ཡི་མཛད་པ་དེ།། རྟག་ཏུ་སྤྱད་པའི་ས་མ་ཡའོ།། མི་སྤང་མི་དོར་སྤྱད་བྱ་ཡི།། ཡན་ལག་བཅོ་ལྔའི་དམ་ཚིག་ནི།། སྲོག་གི།
36b5 ཕྱིར་ཡང་མི་གཏོང་སྟེ།། བཏང་ན་འབྲས་བུ་ག་ལ་འབྱུང་།། དེ་ཡི་ཉེས་པ་བརྗོད་མི་ལང་།། སྙིང་ནས་སློབ་དཔོན་སྨོད་པ་དང་།། སངས་རྒྱས་བསྟན་ལ་གནོད་པ་དང་།། ཐེག་པ་ཆེན་པོ་སྨོད་པ་དང་།། སེམས་ཅན
36b6 ཡོངས་ལ་གནོད་བྱེད་དང་།། རྣལ་འབྱོར་སྤྱི་ཡི་དགྲར་གྱུར་ནི།། མྱུར་དུ་བསྒྲིམ་སྟེ་མ་བསྒྲལ་ན།། རྡོ་རྗེའི་ཐ་ཚིག་ཉམས་པས་ན།། གྲིམས་འབྱིན་ཤུགས་ཀྱིས་བསྒྲལ་བར་བྱ།། དམ་ཚིག་འདི་ནི་རྨད་པོ་ཆེ།། སངས
iiif viewer powered by OpenSeadragon
