| e-texts navigator |
| Wylie |
36a1 ལྡན་འདས་གསང་བ་མཆོག་གི་བདག་པོས།། དམ་ཚིག་གསང་བ་བཀོད་པ་འདི་གསུངས་སོ།། ཨེ་མའོ།། སྣ་ཚོགས་ལོག་རྟོག་བསམ་ཡས་ལ།། རྟོག་འདུལ་དམ་ཚིག་དེ་སྙེད་སྤྲོས།། སྤྲོས་ཉིད་དབྱིངས
36a2 ལས་གཡོས་པ་མེད།། འདི་ནི་དམ་ཚིག་རྡོ་རྗེ་ཆེ།། སྐུ་གསུང་ཐུགས་ཀྱི་དམ་ཚིག་ནི།། གྲུབ་ནས་འཇིག་པའི་དུས་མཐའ་མེད།། རྡོ་རྗེ་དམ་ཚིག་ལུ་གུ་རྒྱུད།། རྣལ་འབྱོར་རྣམས་ཀྱི་དཀའ་ཐུབ་དམ།། དུ་མ་གཅིག་ཏུ
36a3 བསྡུས་པའི་སྲོག། ཡན་ལག་དམ་ཚིག་འདའ་བར་དཀའ།། རྡོ་རྗེ་བླ་མ་སློབ་དཔོན་ལ།། སྲོག་ལ་བབ་ཀྱང་བཀུར་བར་བྱ།། དམ་ཚིག་དབང་དང་ཤེས་རབ་རྒྱུད།། མན་ངག་འབྲས་བུའི་སློབ་དཔོན་ལ།། བལྟ་ཞིང
36a4 བཀུར་བར་བྱ་བ་ནི།། ཕ་དང་མ་དང་མིག་འབྲས་ལྟར།། བཀུར་ཞིང་གཅེས་པར་བྱ་བ་ཡིན།། དེ་ཡི་ཕྱི་བཞིན་བེའུ་ལྟར་འབྲེང་།། སྣ་ཚོགས་སྣ་ཚོགས་ཀྱི་སྒོ་ནས།། མཉེས་ཤིང་དགོངས་པ་བསྐང་བ་དང་།། བླ་མ་སྦྲན
36a5 མིང་སྲིང་ལ།། མངན་དང་འཕྱས་ཀྱི་སེམས་བོར་ཏེ།། རྡོ་རྗེ་ཐེག་པའི་སྤུན་ཡིན་པས།། གཅིག་ལ་གཅིག་གི་མིག་བཞིན་བལྟ།། འདི་ནི་སྐུ་ཡི་ས་མ་ཡ།། དང་པོར་ཐ་ཚིག་བཅས་པ་ལྟར།། སྔགས་རྣམས་རྒྱུན་དུ
36a6 བར་མི་གཅད།། ཕྱག་རྒྱ་སྒོམ་ཞིང་བཅའ་བ་ནི།། དངོས་གྲུབ་འབྱུང་བའི་རྒྱུ་ཡིན་པས།། འདི་དག་བརྟན་པོར་གཟུང་བར་བྱ།། གསུང་གི་ས་མ་ཡ་རུ་བཤད།། སྤྱི་གསང་བཞི་དང་བར་གསང་བཞི།། གསང་བར་འོས
iiif viewer powered by OpenSeadragon
