| e-texts navigator |
| Wylie |
363a1 པའི་མཆོག་རེ་རེ་འགྲུབ་པར་གསུངས་སོ།། དེ་ལ་ཚོགས་ཀྱི་མཆོད་པའི་འབྲས་བུ་ནི། རྒྱུ་མཚན་ཉིད་ཀྱི་ཐེག་པ་ལྟར། དཀའ་བ་ད་ལྟར་སྤྱད་ནས་འབྲས་བུ་ཕྱིས་འོང་དུ་རེ་བ་མ་ཡིན་ཏེ། ཚོགས་ཀྱི
363a2 འབྲས་བུ་ནི་ཡི་གེ་འཁོར་ལོ་ཚོགས་ཆེན་གྱི་ས་ལ་ས་བཅུ་རིམ་གྱིས་བགྲོད་མི་དགོས་ཏེ། ད་ལྟ་ཉིད་ནས་རིགས་ལྔའི་སངས་རྒྱས་དང་མཉམ་པར་སངས་རྒྱས་པར་འགྱུར་རོ།། དེའི་ཕྱིར་སངས་རྒྱས་རྣམས་ཀྱིས་ཀྱང
363a3 འདི་སྐད་གསོལ་ཏོ།། ཚོགས་ཀྱི་མཆོད་པའི་འབྲས་བུ་ནི།། ཕུང་པོ་མི་གནས་མྱ་ངན་འདས།། རིག་འཛིན་ས་ལ་བདེ་བར་གནས།། ཕྱོགས་བཅུའི་སངས་རྒྱས་ཀུན་མཉེས་ཏེ།། བྱིན་གྱི་རླབས་ཀྱིས་དབང་བསྐུར
363a4 ནས།། དངོས་གྲུབ་དམ་པར་སྩོལ་བར་མཛད།། ཆོས་ཀྱི་སྐུ་དང་གཉིས་སུ་མེད།། ཅེས་སངས་རྒྱས་རྣམས་ཀྱིས་གསུངས་སོ།། དེ་ལ་ཚོགས་ཀྱི་མཆོད་པ་འདིས།། ཡུན་ཅི་ཙམ་གྱིས་འགྲུབ་ཅེ་ན།། རབ་ཀྱིས་ཟླ་བ
363a5 གཅིག་ནས་འགྲུབ།། འབྲིང་གི་ལོ་གཅིག་དག་ནས་འགྲུབ།། ཐ་མ་ལོ་གསུམ་ཚུན་ཆད་དུ།། ཚོགས་ཀྱི་མཆོད་པ་འབུལ་བྱས་ན།། རྡོ་རྗེ་སེམས་དཔའ་ཉིད་དུ་འགྱུར།། སངས་རྒྱས་བྱང་ཆུབ་ཟག་མི་རིང་།། ཞེས
363a6 གསུངས་སོ།། ཚོགས་ཕུལ་བའི་ཡོན་ཏན་ནི། འཇིག་རྟེན་གྱི་ཁམས་འདིར་ཡང་རྒྱལ་བ་སྲས་དང་བཅས་པའི་ཞལ་མཐོང་བར་འགྱུར་བ་དང་། མ་མོ་དང་མཁའ་འགྲོ་ཐམས་ཅད་སྤྲིན་ཕུང་བཞིན་དུ་གཏིབས་ཏེ། ཅི
363a7 བསྒོ་བའི་བཀའ་ཉན་ཅིང་། དངོས་གྲུབ་ཀྱི་སྟོངས་དང་གྲོགས་བྱེད་པས་མཐུ་དབང་ཕུན་སུམ་ཚོགས་པ་སྦྱིན་ཏེ། ཐམས་ཅད་དུ་བདེ་སྐྱིད་ཕུན་སུམ་ཚོགས་པ་དང་ལྡན་པ་དང་། ལོངས་སྤྱོད་ཐམས་ཅད་འཕེལ་བ་དང
363a8 འཁོར་ཐམས་ཅད་འདུ་ཞིང་། ནད་དང་དུ་\ུ0f7fཁ་མི་འབྱུང་ཞིང་འཇིག་རྟེན་གྱི་ལྷ་མ་སྲིན་ཐམས་ཅད་ཀྱང་མཉེས་ཤིང་བྱིན་ཆེ་བར་མཐོང་བ་དང་། དེ་ལ་གར་གྱི་སྤྱི་གཙུག་ལྟར་ལེན་པ་དང་། སེམས་ཅན་ཐམས་ཅད་ཀྱིས
363a9 ཀྱང་མིག་གི་འབྲུ་ལྟར་མཐོང་ངོ་།། ཡིད་དུ་འོངས་ཤིང་དགའ་བར་འགྱུར་བ་དང་། འཇིག་རྟེན་ཕྱི་མར་རིག་འཛིན་ཐམས་ཅད་ཀྱིས་མདུན་བསུ་སྟེ། ལྕང་ལོ་ཅན་གྱི་གནས་སུ་ཕྱིན་པར་འགྱུར་རོ།། ཚོགས་མ་ཕུལ་བའི
363a10 སྐྱོན་ནི། བསྒྲུབས་ཀྱང་དོན་མེད་ཅིང་བདེ་བར་གཤེགས་པ་རྣམས་ཀྱང་ཞལ་འཛུམ་པར་མི་མཛད་ཅིང་། བསོད་ནམས་དང་སྐལ་བའི་སྐལ་བ་ཆུང་སྟེ་དམྱལ་བ་དང་ཡིད་དྭགས་དང་བྱོལ་སོང་གི་གནས་སུ་སྐྱེ་བར
363a11 འགྱུར་རོ།། ཚོགས་རྒྱུད་ཆེན་པོ་ལས། ཚོགས་ཕུལ་བའི་ཕན་ཡོན་དང་མ་ཕུལ་བའི་སྐྱོན་བསྟན་པའི་ལེའུ་སྟེ་དྲུག་པའོ།། །། རྣལ་འབྱོར་གྱི་ཚོགས་རྒྱུད་ཆེན་པོ་རྫོགས་སོ།།
iiif viewer powered by OpenSeadragon
362b -
