| e-texts navigator |
| Wylie |
362b1 སེམས་དཔའ་ཀུན་ཏུ་བཟང་པོའི་སྲས་སུ་གྱུར་ཏེ། སེམས་ཅན་ཐམས་ཅད་རྒྱལ་བའི་སྲས་སུ་བཞེངས། དཀྱིལ་འཁོར་གྱི་ལྷ་རྣམས་ཀྱིས་ཀྱང་། རྡོ་རྗེ་མིང་གི་དབང་བསྐུར་ཏེ། སངས་རྒྱས་ཀྱི་གདུང་འཛིན་ཅིང་བྱང
362b2 ཆུབ་སེམས་ཀྱི་དབང་བྱིན་ཏེ་བཞག་གོ། དེ་ནས་དཀྱིལ་འཁོར་གྱི་ལྷ་རྣམས་ལ་བྱང་ཆུབ་སེམས་ཀྱི་མཆོད་པ་འབུལ་བ་ནི། མེ་ལོང་ཡུ་བ་ཅན་གྱི་ནང་དུ་བཞག་ལ། སྲིན་མཐེབ་ཀྱིས་ཕྱག་རྒྱས་གཙོ་བོ་དང་འཁོར་ཡན
362b3 ལ་མཆོད་པ་ཕུལ་བས། དགྱེས་པ་ཆེན་པོའི་བདུད་རྩིས་མཉེས་ནས། དངོས་གྲུབ་སྩོལ་ཞིང་བྱིན་གྱིས་བརླབས་པར་མཛད་པའོ།། དེ་ནས་བྱང་ཆུབ་ཀྱི་སེམས་ལས་རྡོ་རྗེ་ཆེའི་དངོས་གྲུབ་བླང་བ་ནི། དཀྱིལ་འཁོར
362b4 ལྷ་ཐམས་ཅད་ཡབ་ཡུམ་གཉིས་སུ་མེད་པར་སྦྱོར་བ་མཛད་པའི་བྱང་ཆུབ་ཀྱི་སེམས་ཀུནྡ་དཀར་ཙ་རར་ཟག་པས་བདག་གི་བྱང་ཆུབ་ཀྱི་སེམས་དང་འདྲེས་ཏེ། ལྕེ་ལ་བླང་ནས་ཙིཏྟ་ལ་ཐིམ་པས་ཡེ་ཤེས་སེམས་དཔའི
362b5 སྐུ་ཚོན་གང་བར་གྱུར་ཏེ། སྐྱེ་ཤི་མེད་པའི་གཡུང་དྲུང་དུ་གྱུར་ཏོ།། ཚོགས་རྒྱུད་ཆེན་པོ་ལས། ཚོགས་ཀྱི་མཆོད་པ་ཕུལ་བའི་ལེའུ་སྟེ་ལྔ་པའོ།། །། དེ་ནས་ཚོགས་ཀྱི་མཆོད་པའི་གྲངས་ནི། རབ་ཀྱིས་ཉིན་ལན
362b6 གསུམ་མཚན་ལན་གསུམ་དུ་དབུལ་བར་བྱའོ།། འབྲིང་གིས་དུས་བཞིར་དབུལ་བར་བྱའོ།། ཐམས་མས་ཀྱང་ཉིན་ལན་རེ་མཚན་ལན་རེ་དབུལ་བར་བྱའོ།། དེ་ཅིའི་ཕྱིར་ཞེ་ན་སྤྱད་ཟང་རེ་ཞིག་གྲོལ་ཐང་རེ་དང་། སྨིན
iiif viewer powered by OpenSeadragon
