| e-texts navigator |
| Wylie |
361a1 @#། མགྱོགས་དངོས་གྲུབ་སྩལ་དུ་གསོལ།། རྡོ་རྗེ་གིང་ཆེན་ཀ་ཏ་ར་གིང་མཆོག་བཅོ་བརྒྱད་ལ།། བསྒྲལ་བའི་རྩིབ་མ་བཅོ་བརྒྱད་མཆོད་པ་འབུལ།། གིང་ཆེན་ཐུགས་དམ་བསྐང་སྟེ་དངོས་གྲུབ་སྩོལ།། དེ་ནས
361a2 ཞལ་དུ་བསྟབས་པ་འདི་སྐད་དོ།། བསྟབ་པོ་ཁ་རཾ་ཞལ་ཕྱེས་ཤིང་།། འབར་བ་ཆེན་པོ་ཞལ་ཕྱེས་ཤིག། རྣམ་རྟོག་མ་ལུས་ཞལ་དུ་བསྟབ།། དབུ་དང་ཕྱག་མང་ཞལ་ཕྱེས་ཤིག། དགྲ་བགེགས་མ་ལུས་ཞལ་དུ
361a3 བསྟབ།། ཞིང་གསོལ་ཆས་བརྒྱད་ཞལ་ཕྱེས་ཤིག། བར་དུ་གཅོད་པ་ཞལ་དུ་བསྟབ།། ཤ་ཟ་ཁྲག་འཐུང་ཞལ་ཕྱེས་ཤིག། བསྒྲལ་བའི་ཞིང་བཞི་ཞལ་དུ་བསྟབ།། རྔམ་བྱེད་མ་ལུས་ཞལ་ཕྱེས་ཤིག། བདུད་དང་སྲིན་པོ
361a4 བར་གཅོད་བྱེད་པ་དང་།། རྡོ་རྗེ་སློབ་དཔོན་སྐུ་དགྲ་རྣམས།། མ་ལུས་བཞེས་ཏེ་རོལ་པར་མཛོད།། འབྱུང་པོའི་ཁྲག་ནི་ཆང་བས་ཞིམ།། འདོད་ཆགས་མཆོད་པ་བླ་ན་མེད།། འདོད་ཆགས་མཆོད་པ་བཞེས་སུ
361a5 གསོལ།། གསུང་གི་དངོས་གྲུབ་སྩལ་དུ་གསོལ།། འབྱུང་པོའི་རུས་པ་མར་བས་ཞིམ།། ཞེ་སྡང་མཆོད་པ་བླ་ན་མེད།། ཞེ་སྡང་མཆོད་པ་འདི་བཞེས་ལ།། ཐུགས་ཀྱི་དངོས་གྲུབ་སྩལ་དུ་གསོལ།། འབྱུང་པོའི་ཤ་ནི་ཟན
361a6 བས་ཞིམ།། གཏི་མུག་མཆོད་པ་བླ་ན་མེད།། གཏི་མུག་མཆོད་པ་འདི་བཞེས་ལ།། སྐུ་ཡི་དངོས་གྲུབ་སྩལ་དུ་གསོལ།། མ་ཧཱ་རཀྟ་མ་ཧཱ་མཱཾ་ས་མ་ཧཱ་ཀི་ནི་རི་ཏི་ཁ་རཾ་ཁཱ་ཧི། ཚོགས་རྒྱུད་ཆེན་པོ་རྫོགས་སོ།། དེ་ནས་གསང
iiif viewer powered by OpenSeadragon
