| e-texts navigator |
| Wylie |
360a1 འབུལ།། རིན་ཆེན་རིགས་ཀྱི་ཐུགས་དམ་བསྐང་གྱུར་ནས།། ཡོན་ཏན་དངོས་གྲུབ་དུས་འདིར་སྩལ་དུ་གསོལ།། བཅོམ་ལྡན་དཔལ་ཆེན་པདྨ་ཧེ་རུ་ལ།། བསྒྲལ་བའི་འདུ་ཤེས་ཕུང་པོ་མཆོད་པ
360a2 འབུལ།། པདྨ་རིགས་ཀྱི་ཐུགས་དམ་བསྐང་གྱུར་ནས།། གསུང་གི་དངོས་གྲུབ་སྩལ་དུ་གསོལ།། བཅོམ་ལྡན་དཔལ་ཆེན་པདྨ་ཧེ་རུ་ལ།། བསྒྲལ་བའི་འདུ་བྱེད་ཕུང་པོ་མཆོད་པ་འབུལ།། ལས་ཀྱི་རིགས་ཀྱི་ཐུགས་དམ
360a3 བསྐང་གྱུར་ནས།། ཕྲིན་ལས་དངོས་གྲུབ་དུས་འདིར་སྩལ་དུ་གསོལ།། ཡུམ་ཆེན་ཀྲོ་དྷི་ཤྭ་རཱི་ལ།། བསྒྲལ་བའི་བཀྲག་དང་མདངས་ཀྱི་མཆོད་པ་འབུལ།། རྡོ་རྗེ་དབྱིངས་ཕྱུག་ཐུགས་དམ་བསྐང་གྱུར་ནས།། མཁའ་ལ
360a4 དབྱིངས་ཕྱུག་དངོས་གྲུབ་སྩལ་དུ་གསོལ།། ཡུམ་ཆེན་བུདྡྷ་ཀྲོ་དྷི་ཤྭ་རཱི་ལ།། བསྒྲལ་བའི་ཤ་དང་རུས་པའི་མཆོད་པ་འབུལ།། བུདྡྷ་ཡུམ་ཆེན་ཐུགས་དམ་བསྐང་གྱུར་ནས།། ཡུམ་ཆེན་ཀྲོ་དྷཱིའི་དངོས་གྲུབ་སྩལ་དུ
360a5 གསོལ།། ཡུམ་ཆེན་རཏྣ་ཀྲོ་དྷི་ཤྭ་རཱི་ལ།། བསྒྲལ་བའི་ཁྲག་དང་ཆུ་ཡི་མཆོད་པ་འབུལ།། རཏྣ་ཀྲོ་དྷིའི་ཐུགས་དམ་བསྐང་གྱུར་ནས།། རིན་ཆེན་དབྱིངས་ཕྱུག་དངོས་གྲུབ་སྩལ་དུ་གསོལ།། ཡུམ་ཆེན་པདྨ་ཀྲོ་དྷི་ཤྭ་རཱི
360a6 ལ།། བསྒྲལ་བའི་དྲོད་དང་མེ་ཡི་མཆོད་པ་འབུལ།། པདྨ་ཡུམ་ཆེན་ཐུགས་དམ་བསྐང་གྱུར་ནས།། པདྨ་དབྱིངས་ཕྱུག་དངོས་གྲུབ་སྩལ་དུ་གསོལ།། ཡུམ་ཆེན་ཀརྨ་ཀྲོ་དྷི་ཤྭ་རཱི་ལ།། བསྒྲལ་བའི་དབུགས་དང་རླུང་གིས
iiif viewer powered by OpenSeadragon
