| e-texts navigator |
| Wylie |
35b1 ཤུལ་སྤྱོད་པ་སྦྱར་བྱས་ཏེ།། རྐང་གཅིག་ཅན་ནམ་དུར་ཁྲོད་དུ།། རིགས་ངན་སྨེ་ཤ་ཅན་ལ་སྩོགས།། མེ་རེག་མ་ཡིག་གཟུངས་མ་གཟུང་།། རྡོ་རྗེ་ཁྲོ་བོར་བདག་གནས་ལ།། ནག་པོ་གྲུ་གསུམ་དཀྱིལ་འཁོར
35b2 ལ།། རྩང་ཟོད་རྒྱན་གྱིས་བརྒྱན་པར་བྱ།། ལྕགས་སམ་ནག་པོའི་ཤིང་རྣམས་སམ།། ཚེར་མ་ཅན་གྱི་ཤིང་རྣམས་སམ།། མི་ཡི་རུས་པའི་ཕུར་པ་ནི།། རྩེ་མོ་ཟུར་གསུམ་གསུམ་བཏབ་སྟེ།། མཐིང་ནག་འཁྲུག་པའི་ལྷ
35b3 ཚོགས་རྣམས།། དྲེགས་པ་འདུལ་ཕྱིར་སྤྱན་དྲངས་ཏེ།། བཏང་སྙོམས་ཁྲོས་པས་མཆོད་སྦྱིན་བྱ།། ཚེར་མའི་ཤིང་ལ་སྦར་བའི་མེ།། ནག་པོ་ཚ་ཞིང་རྩུབ་པ་ཡིས།། དྲག་པོའི་ཚུལ་དུ་སྦྱིན་བསྲེག་བྱ།། ལྕགས་ཕྱེ་འབྲུ་ནག
35b4 ཤ་ཁྲག་ལས།། སྦྱར་བའི་གཏོར་མས་དྲག་ཤུལ་སྤྱད།། ཨེ་ཡི་ཚོགས་ཀྱི་དཀྱིལ་འཁོར་དུ།། ཞེ་སྡང་ལས་ཀྱིས་འཆེལ་བའི་ཚོགས།། བརླག་པར་གྱུར་པས་དབྱིངས་སུ་རོལ།། ཇི་སྙེད་ཕྲིན་ལས་བསམ་ཡས
35b5 ཀུན།། འགྲོ་བ་བསམ་ཡས་བསམ་པ་འགྲུབ།། དེ་སྙེད་འདུལ་བའི་ཐབས་ཚུལ་དུ།། བསམ་ཡས་ཕྲིན་ལས་རྣམ་པར་སྤྲོས།། མཉམ་ཉིད་དབྱིངས་ཀྱི་ངང་ཉིད་ལས།། ལས་ཀྱི་བྱེ་བྲག་རྩིས་ལས་འདས།། བྱ་བྱེད་དང
35b6 དུ་ལྡན་གྱིས་འགྲུབ།། ཅེས་གསུངས་སོ།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། ལས་རིམ་པར་ཕྱེ་བའི་ལེའུ་སྟེ་བཅུ་གཅིག་པའོ།། དེ་ནས་བཅོམ
iiif viewer powered by OpenSeadragon
