| e-texts navigator |
| Wylie |
359b1 གཏང་།། ཏི་ཡི་སྟེང་དུ་ཧ་གཅིག་བསྒོམ།། ཏི་ལས་ཧཱ་ལྗང་འོད་ལྡན་པས།། ཆོ་ག་རྣམ་གསུམ་འཕྲོ་འདུ་ལས།། དོན་ཡོད་གྲུབ་པ་རྒྱལ་བའི་སྐུ།། ཕྱག་རྒྱ་ལྔ་དང་ལྡན་པར་བསྒོམ།། རྒྱལ་བའི་སྲས་སུ་སྐྱེ་བར
359b2 འགྱུར།། བཅོམ་ལྡན་འདས་ཀྱི་ཞལ་ནས་གསུངས།། འདིས་ཀྱང་སྦྱོར་བའི་ལས་མཛོད་ཅིག། གཞན་ཡང་ཕྲིན་ལས་རྣམ་བཞི་དང་།། བརྟུལ་ཞུགས་ཆེན་པོ་མཆོག་རྣམས་ཀྱིས།། སྤོར་དང་སྦར་བའི་ལས་མཛོད
359b3 ཅིག། དེ་ནས་ཐུགས་དམ་རྒྱུད་བསྐུལ་བ་འདི་སྐད་དོ།། རྡོ་རྗེ་ཁྲོ་རྒྱལ་དཔལ་ཆེན་ཧེ་རུ་ཀ། དྲན་རྟོག་ཁྲོ་ཚུལ་ཞེ་སྡང་མི་མངའ་ཡང་།། གཏུམ་ཁྲོ་གདུག་པ་མ་ལུས་འདུལ་བའི་ཕྱིར།། ཐུགས་རྗེ་ཆེན་པོས་སྒྲོལ་བའི་ཕྲིན
359b4 ལས་མཛོད།། འབར་བའི་དཀྱིལ་འཁོར་ཀུན་ལ་མཆོད་པ་ནི།། སྒེག་མོ་རིན་ཆེན་ཕྲེང་ཐོགས་དབྱངས་དང་གར།། སྤོས་ཀྱི་དྲི་མཆོག་མེ་ཏོག་མར་མེ་དྲི།། ཧཱུཾ་མཛད་ཧཱུཾ་ལ་ཧཱུཾ་སྟེ་བཞེས་སུ་གསོལ།། བཅོམ་ལྡན་དཔལ
359b5 ཆེན་བཛྲ་ཧེ་རུ་ལ།། བསྒྲལ་བའི་ཞིང་བཅུའི་རྣམ་ཤེས་མཆོད་པ་འབུལ།། རྡོ་རྗེ་རིགས་ཀྱི་ཐུགས་དམ་བསྐང་གྱུར་ནས།། ཐུགས་ཀྱི་དངོས་གྲུབ་སྩལ་དུ་གསོལ།། བཅོམ་ལྡན་དཔལ་ཆེན་བུདྡྷ་ཧེ་རུ་ལ།། བསྒྲལ་བའི
359b6 གཟུགས་ཀྱི་ཕུང་པོ་མཆོད་པ་འབུལ།། དེ་བཞིན་རིགས་ཀྱི་ཐུགས་དམ་བསྐང་གྱུར་ནས།། སྐུ་ཡི་དངོས་གྲུབ་སྩལ་དུ་གསོལ།། བཅོམ་ལྡན་དཔལ་ཆེན་རཏྣ་ཧེ་རུ་ལ།། བསྒྲལ་བའི་ཚོར་བའི་ཕུང་པོ་མཆོད་པ
iiif viewer powered by OpenSeadragon
