| e-texts navigator |
| Wylie |
358b1 ལོངས་སྤྱོད་ཐམས་ཅད་ཀུན།། སྐུ་དང་བདུད་རྩིར་ཐམས་ཅད་གྲུབ།། ཆོས་ཉིད་ལྷན་ནེ་ལྷང་ངེར་གསལ།། བདེ་ཆེན་རྒྱལ་པོར་ལྷུན་གྱིས་གྲུབ།། ལྷུན་གྲུབ་མཐར་ཕྱིན་མཆོད་པ་བཞེས།། གྲུབ་པའི་འབྲས་བུ་རྫོགས
358b2 པར་མཛོད།། ཚོགས་རྒྱུད་ཆེན་པོ་ལས། ཕྱི་གཟུགས་ཀྱི་མཆོད་པའི་ལེའུ་སྟེ་བཞི་པའོ།། །། དེ་ནས་བསྒྲལ་བའི་མཆོད་པ་ལ་ཡང་རྣམ་པ་ལྔ་སྟེ། དང་པོ་བསྒྲལ་བའི་རྒྱུ་དང་། དེའི་དགོངས་པ་དང་། དེའི་ཕྲིན
358b3 ལས་དང་། ཐུགས་དམ་བསྐུལ་བ་དང་། ཞལ་དུ་བསྟབ་པའོ།། དེ་ལ་དང་པོ་བསྒྲལ་བའི་རྒྱུ་ལ་ཡང་དོན་རྣམ་པ་ལྔ་སྟེ། གང་བསྒྲལ་བ་དང་། གང་གིས་བསྒྲལ་བ་དང་། དོན་ཆེད་ཅིའི་ཕྱིར་བསྒྲལ་བ་དང་། མ་བསྒྲལ
358b4 བའི་སྐྱོན་ནོ། དེ་ལ་གང་བསྒྲལ་ན་ཞིང་བཅུར་གྱུར་པ་འདི་བསྒྲལ་ཏེ། དཀོན་མཆོག་གསུམ་གྱི་སྐུ་དགྲར་གྱུར་པ་དང་། ངན་པའི་ངང་ཚུལ་ཅན་ལ་སོགས་པ་བཅུ་པོ་དེ་བསྒྲལ་ལོ།། དེ་གང་གིས་བསྒྲལ་ན། ཐབས་ལ
358b5 མཁས་པའི་སྐྱེས་བུ་ཆེན་པོས་ལྷའི་དཀྱིལ་འཁོར་དང་གཉིས་སུ་མེད་པས་བསྒྲལ་ལོ།། གང་དུ་བསྒྲལ་ན་འོག་མིན་ཆོས་ཀྱི་དབྱིངས་ཀྱི་ཕོ་བྲང་ཡུམ་གྱི་མཁའ་ཀློང་དུ་བསྒྲལ་ལོ།། དགོས་ཆེད་ཅིའི་ཕྱིར་བསྒྲལ་ན། དེ
358b6 མནར་མེད་པར་ལྟུང་ངེས་པས། དེ་མཐོ་རིས་སུ་འགོད་པའི་ཕྱིར། ཐུགས་རྗེ་ཆེན་པོས་བསྒྲལ་ལོ།། དེ་མ་བསྒྲལ་བའི་སྐྱོན་ནི། རྡོ་རྗེ་ཐེག་པའི་བཀའ་བཅག་ཅིང་། རྣལ་འབྱོར་གྱི་ཆོས་སྤྱོད་ནུབ་ནས། རྒྱལ་ཁམས
iiif viewer powered by OpenSeadragon
