| e-texts navigator |
| Wylie |
358a1 ཉིད་མི་གཡོ་མཉམ་ཉིད་སངས་རྒྱས་པའི།། ང་རྟོག་མཚན་མའི་སྤྱོད་ཡུལ་ངང་གིས་མེད།། གཟུང་འཛིན་མཚན་མ་ཀུན་ལས་འདས་པ་ཡི།། མཉམ་པ་ཆེན་པོའི་མཆོད་པ་རྣམ་པར་རོལ།། ལོག་རྟོག་སྐུ
358a2 མར་རོལ་པའི་སེམས་ཅན་དང་།། ཡེ་ཤེས་སྒྱུ་མར་སྣང་བའི་སངས་རྒྱས་ཀྱིས།། ཡེ་ཤེས་ལོག་རྟོག་ཁྱད་པར་བསམ་ཡས་ཀྱང་།། སྒྱུ་མ་ཡིན་པས་རང་བཞིན་ཡོངས་ཀྱིས་མཉམ།། མཉམ་པ་ཆེན་པོའི་མཆོད་པ་བཞེས
358a3 སུ་གསོལ།། རྣམ་པར་རྟོག་མེད་དུས་གསུམ་རྒྱལ་བའི་སྐུ།། ལྔ་ཡི་ཉོན་མོངས་དུག་ལྔ་རང་ཐད་ཀྱང་།། དོན་རྟོགས་གསལ་བའི་སྐྱེས་བུར་གཉིས་སུ་མེད།། མཉམ་པ་ཆེན་པོའི་མཆོད་པ་བཞེས་སུ་གསོལ།། རིག་དང
358a4 མ་རིག་སྒྱུ་མའི་ཁྱད་པར་ལས།། ལྷུན་གྱིས་གྲུབ་པའི་ངང་ལ་བཙལ་མེད་པས།། གཉིས་མེད་དོན་གྱི་ངང་དུ་གཅིག་པའི་ཕྱིར།། མཉམ་པར་བཞག་པའི་མཆོད་པ་བཞེས་སུ་གསོལ།། དེ་ནས་ལྷུན་གྱིས་གྲུབ་པའི་མཆོད
358a5 པ་འབུལ་བ་འདི་སྐད་དོ།། ཕུང་པོ་ལྷ་ཡི་དཀྱིལ་འཁོར་དུ།། ཕྱག་རྒྱ་ཆེན་པོར་ལྷུན་གྱིས་གྲུབ།། ལྷ་དང་ལྷ་མོའི་དཀྱིལ་འཁོར་དུ།། ཐམས་ཅད་མ་ལུས་ལྷུན་གྱིས་གྲུབ།། བྲོ་གར་འདུ་འཕྲོ་ལ་སོགས་པ།། འཛུལ་ལམ
358a6 མཁའ་ལ་འགྲོ་བ་སོགས།། གར་ཡང་ཐོགས་པ་མེད་པ་ཡི།། མཁའ་འགྲོ་ཆེན་པོར་ལྷུན་གྱིས་གྲུབ།། སྒྲ་རུ་གྲགས་པ་ཇི་སྙེད་དང་།། ཚིག་དང་ཡི་གེ་ཐམས་ཅད་པ།། གསུང་གི་ཕྱག་རྒྱར་ལྷུན་གྱིས་གྲུབ།། བཟའ་བཏུང
iiif viewer powered by OpenSeadragon
