| e-texts navigator |
| Wylie |
356b1 ལས་འདས་བྱང་ཆུབ་རོལ་པ་ཆེ།། སྟོན་པས་བཙལ་ཀྱང་རྙེད་པར་ག་ལ་འགྱུར།། ཐིག་ལེ་ཆེན་པོ་ཡེ་ནས་གནས་པ་ལ།། ཡེ་ཤེས་སྙིང་པོ་འདི་ལས་གཞན་མེད་དོ།། འཁོར་བ་མྱ་ངན་སྐྱེ་ཤི་མེད་པའི་དབྱིངས།། བདེ་བ
356b2 ཆེན་པོའི་ངང་ལ་རྣམ་པར་རོལ།། ཨཽ་ཙི་ལ་བདེ་བས་ཅི་ལ་རོལ།། བདེ་མཆོག་དེ་དང་མི་མཉམ་བདེ།། སྲིད་པ་ཤིན་ཏུ་དག་བྱའི་ཕྱིར།། མི་སྲིད་དབྱིངས་སུ་མཉམ་སྦྱར་ནས།། བཅོམ་ལྡན་རྡོ་རྗེ་སེམས་དཔའ
356b3 དང་།། དཀྱིལ་འཁོར་རྒྱལ་སྲས་བཅས་པ་ལ།། དམ་ཚིག་མཆོད་པ་འདི་འབུལ་ན།། ནམ་མཁའི་རྡོ་རྗེ་སྩལ་དུ་གསོལ།། སརྦ་ཏ་ཐཱ་ག་ཏཱ་ཨརྒྷཾ་མ་ཧཱ་སུ་ཁ་པུ་ཛི་ཏེ་ཧོ།། དེ་ནས་འདུས་བྱས་ཀྱི་མཆོད་པ་འདི་སྐད
356b4 དོ།། རིན་ཆེན་སྣ་ཚོགས་རྒྱན་ལས་གྲུབ་པ་ཡི།། རྒྱལ་མཚན་འཕན་གདུགས་བླ་རེ་ལྷབ་ལྷུབ་དང་།། བདུག་སྤོས་དྲི་ཞིམ་མེ་ཏོག་སིལ་མ་བཀྲམ།། བདུད་རྩིའི་གྲི་དང་སྣང་གསལ་སྒྲོན་མར་བཅས།། ལྷ་དང་མི་ཡི་རོལ
356b5 མོ་སྣ་ཚོགས་དང་།། གླུ་གར་ཏེའུ་དང་ཚིགས་སུ་བཅད་པས་བསྟོད།། བཟའ་བཏུང་བདུད་རྩིའི་རོ་མཆོག་རྣམ་མང་དང་།། རྒྱལ་སྲིད་རིན་ཆེན་སྣ་བདུན་ལ་སོགས་རྫས།། མཚན་མཆོག་བཙུན་མོ་ཡིད་དུ་འོང་བ
356b6 ཡང་།། གོས་དང་རྒྱན་དང་རིན་ཆེན་རྒྱན་གྱིས་མཛེས།། ཐབས་ལྡན་རོལ་པའི་ཚུལ་གྱིས་བཞེས་སུ་གསོལ།། བསོད་ནམས་ཚོགས་ཀྱི་དངོས་གྲུབ་སྩལ་དུ་གསོལ།། དེ་ནས་བླ་ན་མེད་པའི་མཆོད་པ་འབུལ་བ་ནི།། བླ
iiif viewer powered by OpenSeadragon
