| e-texts navigator |
| Wylie |
356a1 མཆོད་པ་ནི། གཟུགས་མཛེས་གསལ་བའི་མེ་ལོང་བསྣམས།། མཛེས་པའི་གཟུགས་ཀྱི་མཆོད་པ་འབུལ།། སྤྱན་གྱི་མཉེས་པས་དགྱེས་གྱུར་ཅིག། སྒྲ་ཡི་ལྷ་མོའི་མཆོད་པ་ནི། ཕྱག་གཉིས་དབྱངས་སྙན
356a2 པི་ཝང་བསྣམས།། སྙན་པའི་རོལ་མོའི་མཆོད་པ་འབུལ།། སྙན་གྱི་མཆོད་པས་མཉེས་གྱུར་ཅིག། དྲི་ཡི་ལྷ་མོའི་མཆོད་པ་ནི།། ཕྱག་ན་ཚིམས་བྱེད་སྤོས་ཕོར་བསྣམས།། དྲི་མཆོག་སྣ་ཚོགས་མཆོད་པ་འབུལ།། ཤངས
356a3 ཀྱི་དགྱེས་པས་མཉེས་གྱུར་ཅིག། རོ་ཡི་ལྷ་མོའི་མཆོད་པ་ནི།། རོ་མཆོག་ཞལ་ཟས་སྣ་ཚོགས་བསྣམས།། བདུད་རྩི་རོ་མཆོག་སྣ་ཚོགས་ཀྱིས།། ལྗགས་ལ་ཕོག་པས་མཉེས་གྱུར་ཅིག། རེག་གི་ལྷ་མོའི་མཆོད་པ་ནི།། ན
356a4 བཟའ་པཉྩ་ལི་ཀ་བསྣམས།། དྲོ་འཇམ་ཚ་བསིལ་རེག་བདེ་བའི།། སྐུ་ལ་གསོལ་བས་མཉེས་གྱུར་ཅིག། ཞེས་སྔགས་དང་ཕྱག་རྒྱ་དང་ལྡན་པས་ཀྱང་མཆོད་དོ།། དེ་ནས་ཀུན་ཏུ་བཟང་པོའི་མཆོད་པ་ནི། བདེ་བར
356a5 གཤེགས་སོ་བཅོམ་ལྡན་འདས།། རྒྱལ་བ་རྒྱ་མཚོའི་ཡེ་ཤེས་ཀྱིས།། སྲིད་པ་རྒྱ་མཚོ་མཐའ་ཡས་ཀུན།། ཀུན་བཟང་མཆོད་སྤྲིན་མཆོག་ཏུ་རོལ།། ཨོཾ་ཤྲཱི་ས་མནྟ་བྷ་དྲ་སརྦ་ཏ་ཐཱ་ག་ཏཱ་བྷྱོ་བི་ཤྲ་མུ་ཀེ་བྷྱཿསརྦ་ཏཏྲཱུཾ་ཨུངྒ་ཏེ
356a6 སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཞེས་ལྟ་བ་ཡངས་པར་བྱའོ།། དེ་ནས་བདེ་བ་ཆེན་པོའི་མཆོད་པ་འདི་སྐད་དོ།། བདེ་བ་ཆེན་པོ་དག་ལ་གང་གནས་པ། རྟག་པ་ཆེན་པོ་ལོངས་སྤྱོད་རྫོགས་པའི་སྐུ།། ཁམས་གསུམ
iiif viewer powered by OpenSeadragon
