| e-texts navigator |
| Wylie |
354b1 ཡིས།། གཏོར་ཐབས་ཚུལ་དུ་བྱས་པ་ནི།། གན་དྷེ་དྲི་ཡི་ཕྱག་རྒྱ་ཡིན།། ལག་པ་ཁུ་ཚུར་བཅངས་ནས་ནི།། ནརྀ་མགོ་ཕྱག་རྒྱ་ཆེན་པོ་ལས།། བཏེགས་པའི་ཚུལ་དུ་ཕྱར་བ་ནི།། གཤིན་རྗེ་གཤེད་ཀྱི་ཕྱག་རྒྱ་ཡིན།། གཡོན
354b2 པས་སྡིགས་པའི་མཛུབ་མོ་ལས།། གཡས་པ་རྡོ་རྗེ་བེ་ཅོན་གྱིས།། བརྡེག་པའི་ཐབས་སུ་འདེབས་པ་ནི།། དཔལ་ལྡན་ཆེན་པོའི་ཕྱག་རྒྱ་ཡིན།། རྟ་མགྲིན་དཔལ་ནི་རྟ་ཡི་རྒྱ།། ཡང་ན་གཡོན་པ་ཟོད་ཁྲག་ལས།། གཡས
354b3 པ་སྦྲུལ་ཞག་སྡོམ་པ་ནི།། ཧ་ཡ་གྲཱི་ཝའི་ཕྱག་རྒྱ་ཡིན།། ལག་པ་གཡས་གཡོན་བསྣོལ་བ་ལས།། རྡོ་རྗེ་རྒྱ་གྲམ་ཚུལ་དུ་བྱ།། འགྱིང་བའི་ཐབས་སུ་བརྗིད་པ་ནི།། བདུད་རྩི་འཁྱིལ་བའི་ཕྱག་རྒྱ་ཡིན།། མཛུབ་མོ་ལྕགས
354b4 ཀྱུ་ལྟར་བྱས་པ།། མི་ཕམ་མ་ཡི་ཕྱག་རྒྱ་ཡིན།། ཞགས་པ་བསྡོག་པ་ལྟར་བྱས་པ།། ཁྲོ་གཉེར་མ་ཡི་ཕྱག་རྒྱ་ཡིན།། འཁྱུད་པ་ལྕགས་སྒྲོག་ལྟར་བྱས་པ།། རོ་ལངས་མ་ཡི་ཕྱག་རྒྱ་ཡིན།། དྲིལ་བུ་འཁྲོལ་བ་ལྟར་བྱས
354b5 པས།། རལ་གྲི་མ་ཡི་ཕྱག་རྒྱ་ཡིན།། པི་ཝང་རྡེབས་པ་ལྟར་བྱས་པས།། ལྷ་ཡི་ཐུབ་པའི་ཕྱག་རྒྱ་ཡིན།། གོ་ཆ་བགོ་བ་ལྟར་བྱས་པས། ལྷ་མིན་ཐུབ་པའི་ཕྱག་རྒྱ་ཡིན།། གསེག་པར་འཛིན་པ་ལྟར་བྱས་པ།། མི
354b6 མགོན་ཐུབ་པའི་ཕྱག་རྒྱ་ཡིན།། པོ་ཏི་ཆོས་འཆད་ཕྱག་རྒྱ་ནི།། བྱོལ་སོང་ཐུབ་པའི་ཕྱག་རྒྱ་ཡིན།། རིན་ཆེན་སྒོམ་བུ་ཁ་འབྱེད་ནི།། ཡི་དྭགས་ཐུབ་པའི་ཕྱག་རྒྱ་ཡིན།། མེ་འབར་ཆུ་བླུག་ལག་གཉིས་ནི།། དམྱལ
iiif viewer powered by OpenSeadragon
