| e-texts navigator |
| Wylie |
353b1 ཡིན།། ལག་པ་ཐལ་མོ་དེ་ཉིད་ལས།། སྲིན་ལག་གཉིས་ནི་ནང་དུ་བཀུག། བཞི་པོ་རྩེ་སྤྲད་ཕྱོགས་བཞིར་བགྲད།། ལས་ཀྱི་རིགས་ཀྱི་ཕྱག་རྒྱ་ཡིན།། ཕྱག་རྒྱ་དེ་ཉིད་བཅངས་པ་ལས།། བཞི་པོ་རྩེ་སྤྲད་གྱེན་བསྒྲེངས
353b2 ནས།། དམ་དུ་བརྩམས་ཏེ་བསྒྲེངས་པ་ནི།། རིགས་ཀྱི་ཡུམ་ལྔའི་ཕྱག་རྒྱ་ཡིན།། ཐལ་མོ་གཉིས་ནི་མཉམ་སྦྱར་ནས།། སོར་མོ་གཞན་རྣམས་རྒྱབ་ཏུ་བསྣོལ།། ཟུར་ཅན་མྱུ་གུའི་ཡི་ཚུལ། ས་ཡི་སྙིང་པོའི་ཕྱག་རྒྱ
353b3 ཡིན།། གཡས་པའི་མཐེ་བོང་མཐེའུ་ཆུང་མནན།། སོར་མོ་གསུམ་ཕྱར་རལ་གྲིའི་ཚུལ།། གཡོན་པ་ཤུབས་ལྟར་བྱས་པ་ནི།། ནམ་མཁའི་སྙིང་པོའི་ཕྱག་རྒྱ་ཡིན།། ལག་པ་ཐལ་མོ་སྦྱར་ནས་ཀྱང་།། སོར་མོ་སྤེལ་ཏེ་ཡིད
353b4 ཙམ་བསྣོལ།། པདྨ་ཁ་རྒྱས་ཚུལ་དུ་བྱས།། སྤྱན་རས་གཟིགས་དབང་ཕྱག་རྒྱ་ཡིན།། གཡས་གཡོན་སོར་བསྣོལ་གུང་མོ་བསྒྲེངས།། མཛུབ་མོ་རྡོ་རྗེའི་རྭ་ལྟར་བཀུག། མཐེ་བོང་གཉིས་ནི་གློར་བཞག་པ།། ཕྱག་ན་རྡོ
353b5 རྗེའི་ཕྱག་རྒྱ་ཡིན།། གཡས་པ་སྐྱབས་ཀྱི་ཕྱག་རྒྱ་ལས།། གཡོན་པ་མཐེ་བོང་མཛུབ་མོ་སྤྲད། སྙེ་མ་འཛིན་པ་ལྟར་བྱས་པ།། སེམས་དཔའ་ཀུན་བཟང་ཕྱག་རྒྱ་ཡིན།། གཡས་པ་ལག་མཐིལ་ལྟེ་བར་བརྐྱང་།། གཡོན་པ
353b6 བརླ་ལ་སེ་གོལ་ཚུལ།། པོ་ཏི་འཛིན་པ་ལྟར་བྱས་པ།། སྒྲིབ་པ་རྣམ་སེལ་ཕྱག་རྒྱ་ཡིན།། ལག་པ་གཡས་པ་མཆོག་སྦྱིན་ཚུལ།། གཡོན་པ་བརྐྱངས་ཏེ་ས་གནོན་གྱིས།། ཀླུ་ཤིང་འཛིན་པ་ལྟར་བྱས་པ།། བྱམས་པ་མཆོག
iiif viewer powered by OpenSeadragon
