| e-texts navigator |
| Wylie |
352a1 གསོལ།། མ་ལུས་ཐུགས་དམ་བསྐང་གྱུར་ཅིག། ཅེས་དྲང་ངོ་།། ཚོགས་རྒྱུ་ཆེན་པོ་ལས། ཚོགས་དྲང་བའི་ལེའུ་སྟེ་གསུམ་པའོ།། །། དེ་ནས་ཚོགས་ཀྱི་མཆོད་པ་ཡང་རྣམ་པ་གསུམ་སྟེ། ཕྱི་གཟུགས
352a2 ཀྱི་མཆོད་པ་དང་། ནང་སྒྲོལ་བའི་མཆོད་པ་དང་། གསང་བ་ཐབས་དང་ཤེས་རབ་བྱང་ཆུབ་སེམས་ཀྱིས་མཆོད་པའོ།། དེ་ལ་ཕྱི་གཟུགས་ཀྱི་མཆོད་པ་ལ་ཡང་རྣམ་པ་བཅུ་དྲུག་སྟེ། རྣམ་པར་མི་རྟོག་པ་དོན་གྱི་མཆོད་པ
352a3 དང་། ཏིང་ངེ་འཛིན་གྱི་མཆོད་པ་དང་། གར་གྱི་མཆོད་པ་དང་། ཕྱག་རྒྱའི་མཆོད་པ་དང་། སེམས་དཔའ་བཅུ་དྲུག་གི་མཆོད་པ་དང་། སེམས་མ་བཅུ་དྲུག་གི་མཆོད་པ་དང་། འདོད་པའི་ཡོན་ཏན་རྣམ་པ་ལྔའི་མཆོད
352a4 པ་དང་། ཀུན་ཏུ་བཟང་པོའི་མཆོད་པ་དང་། བདེ་བ་ཆེན་པོའི་མཆོད་པ་དང་། འདུས་བྱས་རྫས་ཀྱི་མཆོད་པ་དང་། བླ་ན་མེད་པའི་མཆོད་པ་དང་། རྣམ་པར་གྲོལ་བའི་མཆོད་པ་དང་། འཁོར་གསུམ་ཡོངས་སུ་དག
352a5 པའི་མཆོད་པ་དང་། གཉིས་སུ་མེད་པའི་མཆོད་པ་དང་། མཉམ་པར་བཞག་པའི་མཆོད་པ་དང་། ལྷུན་གྱིས་གྲུབ་པའི་མཆོད་པའོ།། དེ་ལ་རྣམ་པར་མི་རྟོག་པ་དོན་གྱིས་མཆོད་པ་འདི་སྐད་དོ།། ཆོས་ཉིད་སྟོང་པའི
352a6 རང་བཞིན་ལ།། རྣམ་རྟོག་མཚན་མར་མི་གནས་ཤིང་།། དབུ་མ་ལ་ཡང་མི་གནས་ཤིང་།། མི་རྟོག་མི་གཡོ་སྐྱོན་བསལ་ཏེ།། གཟུང་འཛིན་གཉིས་ཀ་ལས་འདས་པའི།། མི་རྟོག་མཆོད་པ་བཞེས་སུ་གསོལ། ཨོཾ་དྷརྨ་དྷཱ
iiif viewer powered by OpenSeadragon
