| e-texts navigator |
| Wylie |
351a1 པ་ཆེན་པོས་ཆོས་ཉིད་དག་པའི་རྒྱུད་བསྐུལ་ནས། རྒྱལ་བའི་བྱིན་རླབས་དང་། དཔལ་གྱི་ཕམ་ཕབ་ཀྱིས་ཁམས་གསུམ་གྱི་སེམས་ཅན་དང་། ཕྱོགས་བཅུའི་འཇིག་རྟེན་གྱི་ཁམས་ན། རྡོ་རྗེ་སློབ་དཔོན
351a2 དང་མཆེད་དང་ལྕམ་དྲལ། གསང་སྔགས་ཡོ་ག་རྣམ་གསུམ་གྱི་སྒོར་ཞུགས་ཤིང་། རྣལ་འབྱོར་གྱི་བཀའ་གཞུང་བཞིན་མཛད་པ་ཐམས་ཅད་ལ། འདོད་པའི་ལོངས་སྤྱོད་རྣམ་ལྔ་ཆོས་ཉིད་ཀྱི་རྒྱན་དུ་མཆོད་པ
351a3 ཕུལ། ཐམས་ཅད་མཉེས་ཤིང་ཚིམ་པ་དང་།། འགྲངས་ཤིང་ངོམས་པར་བྱས། གཡར་དམ་ཉམས་པ་སོར་ཆུད་ནས། ལུས་ངག་ཡིད་གསུམ་གྱི་སྒྲིབ་པ་སྦྱངས། མ་མོ་དང་མཁའ་འགྲོ་ཐམས་ཅད་ལ་ཁྱབ་པས། དམ
351a4 རྫས་གང་ལ་དད་པས་མཆོད། རང་རང་གི་དམ་ཚིག་བསྲུང་། དཔལ་གྱི་བཀའ་དང་དམ་ལས་མི་འདའ་བར་བྱས། རྣལ་འབྱོར་གྱི་ལས་དང་གཉེར་གཏད་མཐར་ཕྱིན་པར་དམ་ཚིག་མནོས་ཏེ། རྣལ་འབྱོར་གྱི་དགོངས
351a5 པ་མཐར་ཕྱིན་པར་བྱིན་གྱིས་བརླབ་བོ།། ཚོགས་རྒྱུད་ཆེན་པོ་ལས། བྱིན་གྱིས་བརླབ་པའི་ལེའུ་སྟེ་གཉིས་པའོ།། །། དེ་ནས་ཚོགས་ཀྱི་མཆོད་པ་དྲང་བ་འདི་སྐད་དོ།། རྔ་སྒྲ་ཅང་ཏེའུ་པི་ཝང་དང་། གླིང་བུ་དང་ནི
351a6 ཀརྐོ་ཏ།། གྷཎྜེ་ཆ་ལང་སྣ་ཚོགས་དང་།། གླུ་དང་ལེའུ་དང་ཚིག་དང་བཅས། སྙན་པའི་གླུ་དབྱངས་སྣ་ཚོགས་ཀྱི།། སྙན་གྱི་མཆོད་པ་བཞེས་སུ་གསོལ།། རྒྱལ་བའི་ཐུགས་དམ་མཉེས་གྱུར་ཅིག། གར་དང་ཕྱག་རྒྱ
iiif viewer powered by OpenSeadragon
