| e-texts navigator |
| Wylie |
350a1 བསྲུང་ཞིང་ཉམས་པ་ལ་ཆད་པས་གཅོད། མནར་མེད་པར་ལྟུང་བར་བྱེད། རྣལ་འབྱོར་གྱི་མཆོད་པ་ལ་ཕུད་ཉམས་མ་ཉམས་དང་། གཙང་སྦྲ་བྱེད་མི་བྱེད་བལྟ། ཕུད་མ་ཉམས་ཤིང་གཙང་སྦྲ་བྱེད་ན།
350a2 ཅི་འདོད་པའི་དངོས་གྲུབ་དང་། གང་བཅོལ་བའི་ལས་བྱེད། ཕུད་ཉམས་ལ་གཙང་སྦྲ་མ་བྱས་ན། དངོས་གྲུབ་ཀྱི་བར་ཆད་བྱེད། ལས་བཅོལ་པ་ལོག་པར་བསྒྲུབ། རྣལ་འབྱོར་བྱིན་གྱིས་བརླབས་མ་བརླབས་དང་།
350a3 དགོངས་པ་དག་མ་དག་བལྟ། བྱིན་གྱིས་བརླབས་ལ་དགོངས་པ་དག་ན། བསྒོ་བ་ཉན་པ་དང་། ལུས་དང་གྲིབ་མ་བཞིན་འཁོར་བ་དང་། འཁོར་དང་རིགས་བསྲུང་བ་དང་། དབང་དང་མཐུ་སྟེར་བ་དང་། གཏོར
350a4 མ་སྤྱི་བོ་ལ་མངོན་དུ་ཁྱེར་ཏེ། བྲན་སྙིང་ཉེ་བ་བཞིན་ལས་བྱེད་ཅིང་། འཁུ་ལྡོག་མེད་ལ། རྣལ་འབྱོར་པའི་དགོངས་པ་མ་དག་པས། བྱིན་གྱིས་མ་བརླབས་ན། བར་ཆོད་ཀྱི་གེགས་བྱེད། ཆོ་འཕྲུལ་སྟོན། མཐུ་དབང
350a5 འཕྲོག་འཁུ་ལྡོག་ཆ། མི་བདེ་བའི་དོན་དང་། སྡུག་བསྔལ་དང་། སྲོག་གི་བར་ཆད་དང་། འཁོར་དང་སྡེ་ལ་གནོད་པས། བྱིན་གྱིས་བརླབ་དགོས་ཏེ། དང་པོ་ཚོགས་ཀྱི་ཞལ་ཟས་ལ་ཕུད་མ་ཉམས་ཤིང་བསགས་ཏེ།
350a6 གཙང་སྦྲ་དང་ལྡན་པར་བསགས་ལ། དྲི་ཆབ་ལ་ཆོས་ཉིད་རྣམ་པར་དག་པའི་སྔགས་དང་། ཕྱག་རྒྱས་བྱིན་གྱིས་བརླབས་པས་བསངས་ལ། དེ་ནས་ཁྲོ་མོ་དབང་ཕྱུག་མའི་སྔགས་ཀྱིས་བྱིན་གྱིས་བརླབས་པ་ནི། ཆུ
iiif viewer powered by OpenSeadragon
