| e-texts navigator |
| Wylie |
34a1 མཁའ་རྡོ་རྗེའི་དཀྱིལ་འཁོར་དུ།། དབང་ཆེན་དཀྱིལ་འཁོར་བསྒོམ་པར་བྱ།། རི་རབ་སྟེང་དུ་རྡོ་རྗེ་ནི།། རྒྱ་གྲམ་སྟེང་དུ་བབས་པ་ནི།། ལས་ཀྱི་རྡོ་རྗེའི་དཀྱིལ་འཁོར་བསྒོམ།། སྐྱེ་འགྲོ་ཐམས་ཅད་མནན
34a2 པར་བསམ།། རྡོ་རྗེའི་ཚིག་ཏུ་བརྗོད་པ་ནི། ཧཱུཾ་ལས་ཀྱི་རྡོ་རྗེ་འཁོར་དང་བཅས།། འཇིག་རྟེན་ཁམས་ན་རབ་འབྱམས་ན།། ལོག་པར་ལྟ་བའི་སེམས་ཅན་རྣམས།། སྐད་ཅིག་ཡུད་ལ་མནན་པར་བྱའོ།། ཨོཾ་བཛྲ་སུ་མེ་རུ
34a3 ཧཱུཾ་ས་མ་ཡ་སྟྭཾ། དཀྱིལ་འཁོར་དག་ནི་ཐམས་ཅད་པས།། ཏིང་འཛིན་དཀྱིལ་འཁོར་མཐའ་ཡས་མཆོག། ལས་སུ་རུང་བའི་རྣལ་འབྱོར་པ།། དེ་ཡིས་མི་འགྲུབ་གང་ཡང་མེད།། མི་བྱ་བ་ཡང་གཅིག་ཀྱང་མེད།། ཏིང
34a4 འཛིན་ཀླུང་དུ་འདྲིས་པ་ཡི།། མི་ཞེས་བྱ་བ་བདེར་གཤེགས་ཡིན།། སངས་རྒྱས་ཞེས་ནི་གུད་ན་མེད།། ཅེས་གསུངས་སོ།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི
34a5 མདོ་ལས། རྒྱུན་གྱི་ཏིང་ངེ་འཛིན་རིམ་པར་ཕྱེ་བའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། ལྷུན་གྱིས་གྲུབ་པའི་ཕྲིན་ལས་ཀྱིས་རྣམ་པར་སྦྱོང་བ་འདི་གསུངས
34a6 སོ།། ཀུན་ཏུ་སྣ་ཚོགས་ལས་ཀྱི་རྣམས།། ཀུན་ཏུ་སྣ་ཚོགས་རྣལ་འབྱོར་གྱིས།། ཀུན་ཏུ་སྣ་ཚོགས་ཏིང་འཛིན་དུ།། གནས་ནས་སྣ་ཚོགས་དོན་བྱའོ།། འཇིག་རྟེན་ཁམས་ནི་རབ་འབྱམས་ན།། རྨོངས་པར་གྱུར་བའི
iiif viewer powered by OpenSeadragon
