| e-texts navigator |
| Wylie |
349b1 སུ།། དཔལ་འབར་ཁྲོ་བོའི་རྒྱུད་བཞིན་བསྐྱེད།། སྐུ་བསྐྱེད་གསལ་བཏབ་དབང་བསྐུར་ནས།། སྤྱན་དྲང་མཆོད་པ་གཞུང་བཞིན་འབུལ།། དེ་དག་འདིར་བཤད་མངས་པའི་ཕྱིར།། གཞན་དང་མཐུན་པར་རྒྱལ་བས
349b2 གསུངས།། ཚོགས་རྒྱུད་ཆེན་པོ་ལས། དཀྱིལ་འཁོར་བསྐྱེད་པའི་ལེའུ་སྟེ་དང་པོའོ།། །། དེ་ནས་ཚོགས་ཀྱི་མཆོད་པ་ལ་ཡང་། དོན་རྣམ་པ་གསུམ་སྟེ། ཚོགས་བྱིན་གྱིས་བརླབ་པ་དང་།། ཚོགས་དྲང་བ་དང་།
349b3 ཚོགས་ཀྱི་མཆོད་པ་འབུལ་བའོ།། དེ་ལ་ཚོགས་བྱིན་གྱིས་བརླབ་པ་ནི། དེ་བཞིན་གཤེགས་པ་ཐམས་ཅད་ལ་འཁོར་རྣམ་པ་གཉིས་ཏེ། བསམ་པ་མྱ་ངན་ལས་འདས་ཤིང་། དགོངས་པ་ཆོས་ཉིད་དང་ལྡན་པའི་འཁོར
349b4 དང་། འཇིག་རྟེན་དབང་དུ་སྡུད་པའི་འཁོར་རོ།། དེ་ལ་དགོངས་པ་ཆོས་ཉིད་དང་ལྡན་པའི་འཁོར་ནི། ཆོས་མཉམ་པ་ཉིད་ལ་བཞུགས་ནས། ཐུགས་རྗེ་དབྲི་བཀོལ་མི་མཛད་པའི་དོན་གྱིས། སེམས་ཅན་ཐམས་ཅད
349b5 ཀྱི་དོན་ལ་མགོན་དང་། སྐྱབས་དང་དཔུང་གཉེན་མཛད་ཅིང་ཞུགས་པས། དམིགས་པ་ཡོད་ན་བཞེས་སུ་གནང་བ། བྱིན་གྱིས་བརླབས་ཤིང་། དངོས་གྲུབ་སྩོལ་བར་མཛད་པས། བྱིན་གྱིས་བརླབ་མི་དགོས
349b6 སོ།། འཇིག་རྟེན་དབང་དུ་བསྡུས་པའི་འཁོར་ནི། ཆོས་མཉམ་པ་ལ་བཞུགས་ནས། ཐམས་ཅད་ལ་བྱ་ར་དང་ཚུལ་རྟོག་སྟེ། དམ་ཚིག་བསྲུངས་མ་བསྲུང་བལྟ། དམ་ཚིག་སྲུང་བ་ལ་སྟོངས་གྲོགས་བྱིང་། དམ་ཚིག་མི
iiif viewer powered by OpenSeadragon
