| e-texts navigator |
| Wylie |
348a1 དང་། བཅའ་བའི་སྣོད་དང་། བཏུང་བའི་སྣོད་དང་། དྲི་ལ་ཡང་རྣམ་པ་གསུམ་སྟེ། དབང་པོ་ཚིམ་བྱེད་ཀྱི་དྲི་དང་། མདོག་གསལ་རྒྱས་པ་སྨན་གྱི་དྲི་དང་། བཅུད་གསལ་ཡིད་འོང་ཞལ་ཟས་ཀྱི་དྲིའོ།། རོ
348a2 ལ་ཡང་རྣམ་པ་གསུམ་སྟེ། རང་བཞིན་གྱིས་བརླབས་པ་ལན་ཚྭ་དང་། ཤིང་ཏོག་ལ་སོགས་པ་ཁ་བ་དང་། མངར་བ་དང་། སྒྱུར་བ་དང་། ཚ་བ་དང་། རྩུབ་པ་དང་། བསྐལ་བ་ལ་སོགས་པ་ཕྱིའི་འབྱུང་བ་རང་སྐྱེས་པའི
348a3 རོ་དང་། འགྲོ་བ་རྣམས་ཀྱིས་བཙལ་བའི། ཕབ་དང་། རུ་མ་དང་། མནན་པ་དང་། འདུས་པ་དང་། བྱིབས་དང་། བྱ་ན་བཙོས་པ་དང་། སྦྱར་བ་དང་། བསྲེགས་པ་དང་། བསིངས་པ་ལ་སོགས་པའི་རོ་དང་། སྔགས
348a4 དང་ཏིང་ངེ་འཛིན་གྱིས་བྱིན་གྱིས་བརླབས་པའི་རོ་དང་། ཆུང་ངུ་ལས་ཆེན་པོ། ཉུང་ངུ་ལས་མང་པོ། མི་ཞིམ་པ་ལས་ཞིམ་པོ། ལྷའི་རོ་མཆོག་བརྒྱད་དང་ལྡན་པའི་རོའོ།། སྒྲ་ལ་ཡང་རྣམ་པ་གསུམ་སྟེ། ཤེས་པས་ཟིན
348a5 པའི་སྒྲ་གླུ་དབྱངས་ལ་སོགས་པ་སྙན་ཅིང་ཡིད་དུ་འོང་བའི་སྒྲ་སྣ་ཚོགས་དང་། ཤེས་པས་མ་ཟིན་པའི་སྒྲ་འབྱུང་བ་རང་རྒྱུད་ཀྱི་གྲགས་པའི་སྒྲ་དང་། རྩོལ་བ་དང་བཅས་པའི་སྒྲ་སྐྱེས་བུའི་ལག་པ་དང་རྐན་དང་།
348a6 དབུགས་དང་འདོམས་པའི་སྒྲའོ།། རེག་ལ་ཡང་རྣམ་པ་གསུམ་སྟེ། དྲོ་འཇམ་གོས་ཀྱི་རེག་པ་དང་། དགའ་འཇམ་དགྱེས་པ་ཡུམ་གྱི་རེག་པ་དང་། རྒྱན་གྱིས་སྒེག་པ་ཡུམ་གྱི་རིན་པོ་ཆེའི་ཆས་ཀྱིས་བརྒྱན་པའི་རེག
iiif viewer powered by OpenSeadragon
