| e-texts navigator |
| Wylie |
347a1 དགོངས་པའི་དཀྱིལ་འཁོར་ཆེན་པོར་རྫོགས་པས་འཛིན་པའོ།། དེ་ལ་ཚོགས་ཀྱི་རྒྱལ་ཚབ་ནི། དཔེར་ན་རྒྱལ་པོའི་བཀའ་བསྒོ་བློན་པོས་གསུངས་པ་དང་འདྲའོ།། དགོངས་སྤྱོད་ཀྱི་དོན་ཐ་མི་དད་པ་དེ
347a2 ཉིད་དང་མཚུངས་པ་ལས། གཞན་འདྲེན་པའི་ཐབས་ལ་མཁས་པ་དང་། སློབ་དཔོན་གྱི་སྐུ་བསྙེལ་བ་དང་། ཐུན་སྤོ་བ་དང་། སྙོམས་པ་ལ་སོགས་པ་ལ་བར་མི་གཅོད་ཅིང་འགྲུབ་པར་བྱ་བ་དང་། སློབ་དཔོན་གྱི་ཞལ
347a3 ཚབ་ཏུ་ཆོས་བསྟན་པ་ལ་མཁས་པའོ།། ཚོགས་ཀྱི་གར་མ་ནི། ཕྲིན་ལས་རྣམ་བཞི་ལ་སོགས་པ་དང་། མཆོད་པ་དང་བརྡའི་དོན་མཐའ་དག་ལ་མཁས་པ་ལས་མ་གཏོགས་པ། ཁེ་ཤོང་དང་བློས་འདེབས་དང་། མོས
347a4 པ་ཙམ་དུ་བྱ་བ་མ་ཡིན་ནོ།། ཚེགས་ཀྱི་གིང་ནི། རང་གི་དགོས་ཆེད་མི་ལན་རྣལ་འབྱོར་གྱི་སྤྱི་ཆས་ལ་བརྩོན་པ་དང་། ཞིང་བཅུར་གྱུར་པ་ལ་ཐུགས་རྗེས་སྒྲོལ་ངེས་པ་དང་། དགོངས་པ་དང་ལས་རྒྱུད་དུ་ལྡན་པ་ལས
347a5 མ་གཏོགས་པ། སྒྲོལ་བ་བཙན་ཐབས་དང་། རང་གང་ལ་དགའ་བ་ལ་མངོན་སྤྱོད་དང་། དྲག་ཤུལ་གྱི་ལས་བརྩམས་པ་མ་ཡིན་ནོ།། ཚོགས་ཀྱི་ཡུམ་ནི། གཙོ་བོའི་དགོངས་པ་བཞིན་དུ་བྱེད་ནུས་པ་དང་། གཞུང་དགུ
347a6 དང་ལྡན་ཏེ། ཚུལ་ཤེས་པ། ཡ་ཤ་ཆེ་བ། ནོག་ཐུབ་པ། གསང་སྒོ་དམ་པ། དམ་ལ་གནས་པ། དད་པས་མོས་པ། རྟོག་པ་ཆུང་བ། མཚན་གྱིས་བརྒྱན་པ། སེམས་བཟང་བ་དང་དགུར་ལྡན་པ་ལས་མ་གཏོགས་པ།
iiif viewer powered by OpenSeadragon
