| e-texts navigator |
| Wylie |
346b1 པའི་རྒྱུ་འདོད་པའི་ཡོན་ཏན་ལྔ་ལ་སོགས་པ་གང་ཡང་མ་ཚང་བ་མེད་ཅིང་། ཟུངས་སུ་ཡང་བཟུང་བས་ཐམས་ཅད་ཚང་ཞིང་ཚོགས་པ་ལ་ཚོགས་ཞེས་བྱ་བ་ལས། མ་ཚང་ཞིང་མ་ཚོགས་པ་དང་། མི་མཐུན་པ་ཚོགས་པ
346b2 ལ་ཚོགས་ཞེས་བྱ་བའི་ངེས་ཚིག་མེད་དོ།། དེ་ལ་ཚོགས་ཀྱི་སློབ་དཔོན་ནི་ཀུན་གྱིས་བྱ་བ་མ་ཡིན་གྱིས། ལྟ་བ་གཉིས་སུ་མེད་པའི་བྱང་ཆུབ་ཀྱི་སེམས་རྟོགས་པ། སྤྱོད་པ་གསང་བའི་བཀའ་དང་མི་འགལ
346b3 ང། ཐབས་ལ་མཁས་པས་སྣོད་མ་ཡིན་པ་དང་། མུ་སྟེགས་དང་ལོག་པའི་ཕྱོགས་རྣམས་ཀྱིས་མ་ཚོར་མ་འཕྲིགས་པའི་ཐབས་ལ་མཁས་པར་སྤྱོད་པ་དང་། དབང་རིམ་པས་བརྩེགས་ཏེ། རིགས་པའི་རྒྱལ་པོ་རབ
346b4 འབྱམས་ཀྱི་དབང་ཐོབ་ནས། དབང་རྒྱུད་དང་། དབང་རྫས་དང་། དབང་རྟགས་དང་། དབང་བསྒྲུབ་དང་། དབང་བསྙེན། དབང་བསྐུར་བ་ལ་མཁས་པ་དང་། དམ་ཚིག་གཞི་དང་འདྲ་བར་ཤོང་ཡངས་དང་། ཐེག་པ
346b5 ཆེ་ཞིང་སྙིང་ལ་འཆང་སྟེ་བསྲུང་བ་དང་། ཕྲིན་ལས་ཀྱི་སྔགས་དང་ཕྱག་རྒྱ་དང་ཏིང་ངེ་འཛིན་དང་། མ་ནོར་བའི་ཚུལ་དགུ་སྟེ། དགོངས་པའི་ལྷ་ཚུལ་དང་། གར་ཡེ་ཤེས་ཀྱི་ཚུལ་དང་། ཕྱག་རྒྱ་སྐུའི་ཚུལ་དང་། སྔགས
346b6 གསུང་གི་ཚུལ་དང་། སྙིང་པོ་ཐུགས་ཀྱི་ཚུལ། མཆོད་པ་ཡོན་ཏན་གྱི་ཚུལ། གླུ་ཕྲིན་ལས་ཀྱི་ཚུལ། སྐྱིལ་ཀྲུང་ཞི་བའི་ཚུལ། སྟངས་སྟབས་ཁྲོ་བོའི་ཚུལ་ཏེ། ཚིག་ཏུ་འབྲེལ་པ་དང་། གོང་འོག་མ་འཆོལ་བ་དང་།
iiif viewer powered by OpenSeadragon
