| e-texts navigator |
| Wylie |
346a1 དང་རང་སངས་རྒྱས་དང་དགྲ་བཅོམ་པའི་མིང་ཡང་མེད་པ། ཤིན་ཏུ་རྣལ་འབྱོར་དབང་ཕྱུག་ཆེན་པོ། གསང་སྔགས་རྡོ་རྗེ་ཐེག་པ་ལ་མོས་ཤིང་གཞོལ་བ་དང་། འདི་དག་བཤད་ཅིང་བསྟན་པའི་སྣོད་དུ
346a2 གྱུར་པ་ཡང་། རྩ་བ་དང་ཡན་ལག་གི་དམ་ཚིག་ལ་གནས་ཤིང་མ་ཉམས་པར་བསྲུང་བ་དང་། རས་གཅོད་དང་གཟུ་ལུམས་མ་ཡིན་པར། ཕྱི་ནང་གི་དབང་རྣམས་ལུང་བཞིན་དུ་ནོད་པ་དང་། རྒྱུད་དང་ཕྱི་ནང་གི་དོན
346a3 ལ་མོས་ཤིང་མཁས་པའོ།། དེ་མ་གཏོགས་པ་དེ་རྣམས་དང་མི་ལྡན་པ་འཇུངས་པ་དང་། འཆིངས་པ་མ་གྲོལ་བ་དང་། དགོངས་པ་གནད་དུ་མ་ཕེབས་པ་རྣམས་ནི་མ་གཏོགས་སོ།། དེ་ལ་ཚོགས་ཀྱི་དཀྱིལ་འཁོར
346a4 བསྐྱེད་པ་འདི་སྐད་དོ།། ཆོས་རྣམས་སྟོང་པའི་རང་བཞིན་ལས། ངོ་བོ་ཉིད་ཀྱིས་ཀུན་ཏུ་དག། ལྟ་བའི་ཆོས་ཉིད་ཚིག་ཙམ་མ་ཡིན་པར་རྟོགས་པ་དང་། སྤྱོད་པས་དེ་དང་མི་འགལ་བར་སྤྱོད་པ་དང་། ཕྲིན་ལས་ཀྱིས
346a5 བ་ཅོལ་དུ་མི་བྱེད་ཅིང་། གོང་འོག་རིན་པོ་ཆེ་འཕྲེང་བ་བརྒྱུས་པ་ལྟར་མ་ནོར་བ་དང་། བསྒོམ་ཞིང་བསྒྲུབ་པ་ལ་བཞད་ག་དང་གཉིད་དབང་དུ་མི་གཏོང་ཞིང་། དད་དང་བརྩོན་འགྲུས་ཀྱིས་མགོ་ལ་མེ་ཤོར་བ་དང
346a6 འདྲ་བར་འབད་པ་དང་། རྣལ་འབྱོར་གྱི་དོན་གང་ལ་ཡང་ཤོང་ཡངས་སུ་ཆེ་བ་དང་། རྟོག་པ་དང་འཁུ་འཕྲིགས་མེད་ཅིང་། འཁུ་ལྡོག་དང་ཡ་ག་དང་མཚང་ཚིག་ལ་སོགས་པས་མི་སྨོད་ཅིང་། རྣལ་འབྱོར་གྱིས་མཆོད
iiif viewer powered by OpenSeadragon
