| e-texts navigator |
| Wylie |
345b1 སེམས་དཔས་བཀའ་སྩལ་པ། འདི་ནི་རྣལ་འབྱོར་གྱི་ཚོགས་ཀྱི་རྒྱུད་དོ།། རྣལ་འབྱོར་གྱི་ཚོགས་ཀྱི་རྒྱུད་ནི་དེ་བཞིན་གཤེགས་པ་རྣམས་ཀྱི་རྐྱེན་ནོ།། རྡོ་རྗེ་སེམས་དཔའ་ཡང་རྣལ་འབྱོར་གྱི་ཚོགས་ཀྱིས་མཆོད་པ་ཕུལ
345b2 བས་སངས་རྒྱས་པས། དེ་དག་ཐམས་ཅད་ནི་ཚོགས་ཀྱི་མཆོད་པ་ཕུལ་བ་ལས་བྱུང་བའོ།། བྱང་ཆུབ་སེམས་དཔའ་རྣམས་ཀྱིས་གསོལ་པ། ཚོགས་ཞེས་བགྱི་བ་ངེས་ཚིག་ཅི་ལགས། ཚོགས་ཀྱི་དཀྱིལ་འཁོར་ཇི་ལྟར
345b3 བསྐྱེད། ཚོགས་ཀྱི་སློབ་དཔོན་ཇི་ལྟ་བུ་ལ་བགྱི། ཚོགས་ཀྱི་རྒྱལ་ཚབ་དང་གར་དང་གིང་ཅི་ལྟ་བུ་ལ་བགྱི། ཡུམ་ཇི་ལྟ་བུ་ལ་བགྱི། ཚོགས་ཀྱི་ཡོ་བྱད་ཅི་འཚལ། མཆོད་པ་ཇི་ལྟར་འབུལ། གྲངས་སུ་འཚལ། ཚོགས་ཀྱི
345b4 འབྲས་བུ་ཅི་ཐོབ་པ་ལགས། ཡུན་ཅི་ཙམ་གྱིས་འགྲུབ། ཕུལ་བའི་ཡོན་ཏན་དང་། མ་ཕུལ་བའི་སྐྱོན་ཅི་མཆིས། བཅོམ་ལྡན་འདས་ཀྱིས་ལུང་བསྟན་དུ་གསོལ།། བདེ་བར་གཤེགས་པས་ལུང་བསྟན་དུ
345b5 གསོལ།། བཅོམ་ལྡན་འདས་ཀྱིས་བཀའ་སྩལ་པ། ཁྱེད་ལ་སོགས་པ་རྣམས་མོས་ཤིང་ཟོས་པར་འདོད་ན། ཡིད་ལ་ཟུང་ལ་རྣ་བའི་དབང་པོས་ཉོན་ཅིག་རྣལ་འབྱོར་གྱི་ཚོགས་རྒྱུད་ཆེན་པོ་འདི། དུས་གསུམ་གྱི་སངས
345b6 རྒྱས་རྣམས་ཀྱིས་ཀྱང་གསུངས་ལ་ངས་ཀྱང་བཤད་དོ། དེ་ལ་ཚོགས་ཞེས་བྱ་བའི་ངེས་ཚིག་ནི། དོན་དང་མཐུན་པ་ལ་བཀའ་དང་མི་འགལ་ཞིང་གཞུང་བཞིན་བསྒྲུབ་པ་ལ་ཚོགས་པ་ལ་ཚོགས་ཞེས་བྱ་སྟེ། ཉན་ཐོས
iiif viewer powered by OpenSeadragon
