| e-texts navigator |
| Wylie |
344a1 ཤིན་ཏུ་སང་ངེ་བ། སང་ངེ་བ་ཡང་མ་ཡིན་པ། ཅི་ལྟ་བུར་ཡང་སྣང་ལ། ཅི་ལྟ་བུར་ཡང་མ་ཡིན། ཐམས་ཅད་དུ་གསལ་བ། མ་བསྒྲུབས་པ་ཉི་མའི་འོད་དང་འདྲ་བ། དེ་ལྟ་བུའི་རྡོས་པ་ཅན་ཡང་མ་ཡིན
344a2 པ། ཐམས་ཅད་དུ་བལྟ་བས་མི་ངོམས་པ་ལ། བརྟགས་ཀྱིས་ཀྱང་མི་ལངས་པའི་སྐུ་གཅིག་ཀྱང་གཅིག། བསམ་གྱིས་ཀྱང་མི་ཁྱབ། མཐར་ཐུག་པ་ཡང་མེད། དབུས་སུ་བརྟགས་པ་ཡང་མེད། དངོས་པོ་ཡང་མ་ཡིན།།
344a3 སྟོང་པ་ཡང་མ་ཡིན། ཡོད་པར་ཡང་མི་སྣང་། མེད་པར་ཡང་མ་སོང་། བཏུད་ནས་ཉེ་བར་མེད། བཀྱེད་ནས་རིང་བ་མེད་པས་ཐམས་ཅད་དུ་ལྷུན་གྱིས་གྲུབ་པ་ལ། འདི་ཞེས་བསྟན་དུ་མེད་པ་ལ། ཅི་ལྟ་བུར་ཡང
344a4 དམིགས་སུ་མེད་པ། གང་ཡང་མ་ཚང་བ་མེད་པས་སྐུ་གསལ་བ་ལས། རྡོ་རྗེ་སེམས་དཔའི་ཆོས་ཀྱི་སྐུར་གྱུར་ཏོ།། དེ་ནས་རྡོ་རྗེ་སེམས་དཔས་ལྗགས་ཀྱི་པདྨ་ལས། ཡིག་འབྲུ་བཞི་བཅུ་རྩ་གཉིས་ཁ་དོག་རྣམ་པ་སྣ
344a5 ཚོགས་པའི་འོད་ཟེར་བསམ་གྱིས་མི་ཁྱབ་པ་འཕྲོས་པས། སྟོང་གསུམ་གྱི་སྟོང་ཆེན་པོ་ལྟ་བུའི་གྲངས་མ་ཡིན། ཇི་ལྟར་ནམ་མཁའ་ནས་གང་དུ་ཁྱབ་པ་ཐམས་ཅད་གཟུགས་དང་སྒྲ་ལ་སོགས་པས་བསྡུས་ལ། དེ་ཐམས
344a6 ཅད་ཚིག་གི་བསྡུས། ཚིག་ཐམས་ཅད་ཡི་གེས་བསྡུས། ཡི་གེ་ཐམས་ཅད་སངས་རྒྱས་ཀྱི་རང་བཞིན་དུ་ལུང་བསྟན། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱི་ལྗགས་དང་གསུང་ལ་ཕོག་པས། གང་ན
iiif viewer powered by OpenSeadragon
