| e-texts navigator |
| Wylie |
343b1 པས། ཐུགས་དམ་ཆེན་པོའི་རྒྱུད་བསྐུལ་ཏེ། སྐུ་ལ་ཕོག་པས། མཛད་པའི་ཕྲིན་ལས་དང་མ་འགལ་བར་ཐུགས་དམ་བསྐུལ། གསུང་ལ་ཕོག་པས། བདེན་པའི་ཆོས་ཉིད་ལས་མ་གཡོས་པར་ཐུགས་དམ
343b2 བསྐུལ། ཐུགས་ལ་ཕོག་པས། མཉམ་པའི་སེམས་མ་གཡོས་པར་ཐུགས་དམ་བསྐུལ། དབང་གི་མཆོག་ཞུས། ལྷ་དབང་ལུས་ལ་བརྩེགས་པ་དང་། སྤྱི་དང་འདོད་དགུར་བསྒྱུར་བ་དང་། མོས་དབང་སེམས་དང་འདྲེས
343b3 པ་དང་། གསང་དབང་ལྷུན་གྱིས་གྲུབ་པ་དང་། དབང་བཞི་མནོས། དངོས་གྲུབ་ཀྱི་མཆོག་ཞུས། སྐུའི་དངོས་གྲུབ་ཕྱག་རྒྱ་ཆེན་པོར་རང་གནང་བ་དང་། གསུང་གི་དངོས་གྲུབ་ཆོས་ཉིད་མ་སྐྱེས་པར་རང་སྣང་བ
343b4 དང་། ཐུགས་ཀྱི་དངོས་གྲུབ་སེམས་ཡེ་ནས་སངས་རྒྱས་སུ་མནོས། སྐྱེ་འགྲོ་མིང་དང་གཟུགས་ཀྱིས་བསྡུས་པ་ཐམས་ཅད་ལ་ཁྱབ་པས། སེམས་ཅན་གྱི་དོན་བྱས་ཏེ། ལོང་བས་གཟུགས་མཐོང་བ་ལ་སོགས་པའི་དོན
343b5 བྱས། འཁོར་བའི་སྐྱོན་བསལ་ཏེ། དངོས་པོར་བལྟ་བའི་རྡོས་པ་བཤིགས། ལོག་པའི་སྐྱོན་བཅོམ། མ་རིག་པའི་མུན་པ་བསལ། སྡུག་བསྔལ་གྱི་རྒྱུ་བཤིགས། འཁོར་བའི་འདམ་ནས་དྲངས། བྱང་ཆུབ་ཀྱི་ཤུལ
343b6 བསྲངས། དངོས་གྲུབ་ཀྱི་སྟོད་དུ་རུང་བར་མཛད། རིགས་ངེས་པའི་སྲས་སུ་མཛད། འོད་ཟེར་དེ་དག་སླར་རྡོ་རྗེ་སེམས་དཔའི་སྐུ་ལ་འདུས། རྡོ་རྗེ་སེམས་དཔའི་སྐུ་ཉིད་ཤིན་ཏུ་ལྷན་ནེ་བ།། ལྷན་ནེ་བ་ཡང་མ་ཡིན་པ།།
iiif viewer powered by OpenSeadragon
