| e-texts navigator |
| Wylie |
342b1 འཆད་ཅིང་སྟོན་ནུས་ན་ཡང་། ཀུན་ཏུ་བཟང་པོ་ཉིད་དང་འདྲ་བས། འཁོར་མ་ལུས་པ་རྣམས་ཀྱིས་ཀྱང་། དེས་ཅི་བསྒོ་བ་མཉན་པར་བྱའོ།། དེ་ནས་རྡོ་རྗེ་སེམས་དཔས། འདི་སྐད་ཅེས་གསོལ་ཏོ།། བཅོམ་ལྡན་འདས
342b2 རྒྱུད་འདིས་ནི། བདེ་བར་གཤེགས་པའི་དགོངས་སྤྱོད་ཐམས་ཅད་མ་ལུས་པར་བསྟན་ཏེ། གང་ཞིག་འདི་ལ་མོས་པ་དང་། འདི་བསྒོམས་ཤིང་སྒྲུབ་པ་ལ་དགའ་བ་རྣམས་ཀྱིས་འདི་ཉིད་ཀྱི་དོན་རྟོགས་ནས་སངས་རྒྱས
342b3 པར་གྱུར་ཅིག། གང་ཞིག་འདི་ལ་མི་མོས་ཤིང་སྒྲོ་སྐུར་འདེབས་པ་རྣམས་ནི། བསྐལ་པ་དཔག་གིས་མི་ལངས་པར། འདིའི་མིང་ཙམ་ཡང་མི་ཐོས་ཤིང་། མནར་མེད་པའི་དམྱལ་བ་ཆེན་པོར་སྐྱེ་བར་གྱུར་ཅིག་རྒྱུད
342b4 འདི་གང་ན་གནས་པ་དང་། དར་ཞིང་སྒྲོགས་པའི་སར། བདག་ཉིད་ཆེན་པོ་འཁོར་མ་ལུས་པ་རྣམས་ཀྱིས་ཀྱང་། གཙུག་གི་ནོར་བུ་བཞིན་དུ་འདེགས་པར་གྱུར་ཅིག་ཅེས་སྨོད་པར་བྱའོ།། གཏོར་རྒྱུད་ཆེན་པོ་ལས།
342b5 དམ་བཅས་པའི་ལེའུ་སྟེ་ཞེ་བཞི་པའོ།། །། དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས་དཔའ་ལ་སོགས་པའི་སངས་རྒྱས་ཐམས་ཅད་ཀྱང་ཀུན་ཏུ་བཟང་པོའི་གཏོར་མའི་རང་བཞིན་དུ་སངས་རྒྱས་པར་གྱུར
342b6 ཏོ།། གཏོར་རྒྱུད་ཆེན་པོ་རྫོགས་སོ།། །། མཇུག་སྡུད་མན་ངག་བལྟ་བ་མདོར་བསྡུས། རྒྱ་གར་གྱི་མཁན་པོ་པདྨ་སཾ་བྷ་ཝ་དང་། བི་མ་ལ་མི་ཏྲ་དང་། ལོ་ཙ་བ་གནུབས་ནམ་མཁའི་སྙིང་པོས་བསྒྱུར། ཕྱིས་བལ་པོ
iiif viewer powered by OpenSeadragon
