| e-texts navigator |
| Wylie |
342a1 མའོ།། ཐ་མ་རྫས་ཀྱི་ལྷག་མ་ལ། དུག་གསུམ་གྱི་གཏོར་མའོ།། གཏོར་རྒྱུད་ཆེན་པོ་ལས། གཏོར་མ་རྣམ་གསུམ་གྱི་ལེའུ་སྟེ་ཞེ་གསུམ་པའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས།
342a2 བཅོམ་ལྡན་འདས་དཔལ་ཀུན་ཏུ་བཟང་པོ་ལ། འདི་སྐད་ཅེས་གསོལ་ཏོ།། ཀྱེ་མ་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། ཐབས་མཁས་པའི་དབང་ཕྱུག་ཆེན་པོ། ཀུན་ལ་སྙོམས་པའི་འགྲོ་བའི་མགོན
342a3 པོ། ཐམས་ཅད་ལ་དབང་བསྒྱུར་བའི་མཐུ་རྩལ་དང་ལྡན་པ་དེ་ལ་ཕྱག་འཚལ་ལོ།། ཞེས་བྱ་བས་བསྟོད་དོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་སེམས་དཔའ། སངས་རྒྱས་ཐམས་ཅད་ཀྱང་རྒྱུད
342a4 འདི་ཡིན་ལ། རྒྱུད་འདི་ཡང་སངས་རྒྱས་ཐམས་ཅད་ཀྱི་མཛད་སྤྱོད་དམ་པའི་རང་བཞིན་ཏེ། རྒྱུད་འདི་ནི་ཐམས་ཅད་ལ་གྲོལ་ཞིང་སྨོན་པར་ངས་བསྟན་པ་སྟེ། ཐུགས་ཡེ་ཤེས་ཉིད་རྒྱུད་འདིའི་རང་བཞིན་ཏེ། འདི་ནི
342a5 སངས་རྒྱས་འཇིག་རྟེན་དུ་འབྱུང་བ་དང་འདྲ་བར་དཀོན་པས། འདི་གང་དུ་གནས་པར་སངས་རྒྱས་ཐམས་ཅད་གནས་པས། རྣལ་འབྱོར་པ་དམ་ལ་གནས་ཤིང་སྣོད་ཡོད་པ་རྣམས་ལ་སེམས་དཔའ་ཆེན་པོས་ལུང་སྟོན
342a6 ཅིག། རྒྱུད་འདི་ནི་གང་ཞིག་འཛིན་ཅིང་འཆང་ན་ཡང་། དེ་ཡང་སངས་རྒྱས་དང་འདྲ་བ་ཡིན་པས། དེ་ལ་ནི་འཁོར་རྣམས་ཀྱིས་ཀྱང་སངས་རྒྱས་དང་འདྲ་བར་བལྟའོ།། རྒྱུད་འདི་ནི་རྣལ་འབྱོར་པ་གང་ཞིག་གིས།།
iiif viewer powered by OpenSeadragon
