| e-texts navigator |
| Wylie |
340a1 པར་དབང་བསྐུར་ལ་བཞག། དེ་ནས་རྣལ་འབྱོར་པའི་ལོངས་སྤྱོད་དང་། མཆོད་པའི་ཡོ་བྱད་ལས། གཏོར་མ་བསྔོ་བར་བྱ་བ་ནི། ཧཱུཾ་བཅོམ་ལྡན་དཔལ་ཆེན་པོ་ཡབ་ཡུམ་སྲས་དང་བཅས་པ
340a2 དང་།། འཁོར་རྒྱལ་བ་རྒྱ་མཚོ་དང་བཅས་པ་རྣམས། རྣམ་རྟོག་ཟད་པར་བྱ་བའི་གཏོར་མ་བཞེས་སུ་གསོལ།། ཨོཾ་བ་ལིན་ཏ་ཁ་རཾ་ཁཱ་ཧི། ཁ་རཾ་ཏ་ཀི་ནི། ཁཱ་ཡོ་གི་ནི། ང་རྟ་བ་ག་ཨ་ལ་ལ་ཧོ་ཞེས་བརྗོད་ལ། ཅི་ལྟར
340a3 སྣང་བ་ཐམས་ཅད་གཏོར་མའི་རང་བཞིན་དུ་འཕགས་པ་རྣམས་ལ་མཆོད་ཅིང་། རྒྱལ་བ་རྒྱ་མཚོ་རྣམས་ལ་ཐུགས་དམ་གྱི་རྒྱུད་བསྐུལ་ནས། གཏོར་མའི་མཆོད་པས་དུས་རྟག་ཏུ་མཆོད་པ་རྒྱུན་མི་ཆད་པར་བསྒོམ
340a4 པའོ།། དེ་ནས་ཐེག་པ་ཆེན་པོར་ཀུན་ཚང་བར་བསྒོམ་པ་ནི། གཞུང་དུ་མ་དག་ལས་ཤེས་པར་བྱའོ།། དེ་ནས་གཉིས་སུ་མེད་པར་བགྱི་སྟེ། བདག་མཆོད་ཀུན་མཉེས་སངས་རྒྱས་ཐམས་ཅད་འགྲངས།། ཞེས་འབྱུང
340a5 ང་བསྟན་པས། དོན་དེ་ལྟ་བས་ན། བདག་མཆོད་པ་ལ་སོགས་སོ།། ཚོགས་ཀྱིས་བདག་ལ་ཐིམ་པ་ནི།། རྒྱལ་བ་མཉེས་པར་བསམ་པའོ།། རྒྱལ་བ་མཉེས་པས་ནི། བདག་གི་དངོས་གྲུབ་ཐོབ་པར་བསྒོམ
340a6 པའོ།། བདག་དངོས་གྲུབ་ཐོབ་པས་ཐམས་ཅད་སངས་རྒྱས་པར་ཚོགས་དང་གཏོར་མར་ལོངས་སྤྱོད་པའོ།། དེ་ནས་ལྷག་མའི་ཕྲིན་ལས་སུ་བྱ་བ་ནི། དང་པོར་དངོས་པོ་དེ་ལས་ཆོས་ཉིད་དུ་དབྱིངས་གཅིག་ཅིང་།
iiif viewer powered by OpenSeadragon
