| e-texts navigator |
| Wylie |
339a1 འབྲས་བུ་མེད།། ངན་སོང་དུ་སྐྱེས་བཟོད་བླག་མེད།། གང་ཞིག་ཐེག་ཆེན་ཁྲིམས་ཐོས་པས།། ཕངས་མེད་ཡོན་གྱིས་སྣ་འདྲེན་ཅིང་།། གཟུགས་སྣང་རྟོགས་པའི་ཞིང་རྨོས་ཏེ།། བྱང་ཆུབ་ལམ་གྱི་ས་བོན
339a2 བཏབ།། མན་ངག་བདུད་རྩིའི་ཆར་ཆེན་གྱིས།། ཡེ་ཤེས་ལས་ཀྱི་འབྲས་བུ་སྨིན།། རྩ་བའི་གཏོར་མའི་རང་བཞིན་དུ།། སངས་མ་རྒྱས་པ་གཅིག་ཀྱང་མེད།། མཐའ་ཡས་གནས་པའི་འགྲོ་ཀུན་གྱིས།། ཀུན་ཐོས་འདི
339a3 རྟོགས་གྲོལ་བར་ཤོག། ཅེས་བྱ་བའི་སྒྲ་བསྒྲགས་པས།། ཅི་ལྟར་ཕྱིས་འབྱུང་ཐམས་ཅད་ཀུན།། གཏོར་མའི་སྣོད་དུ་རུང་བར་བྱིན་གྱིས་བརླབས་སོ།། དེ་སྐད་ཅེས་བྱ་བའི་སྒྲ་མཐའ་ཡས་པའི་སེམས་ཅན་ཐམས་ཅད
339a4 ཀྱིས་ཐོས་པས། ཆགས་པ་དང་བྲལ་ནས། རྒྱུད་དང་ལུང་དང་མན་ངག་གི་སྣོད་དུ་རུང་ངོ་།། གཏོར་རྒྱུད་ཆེན་པོ་ལས། མན་ངག་གི་སྣོད་སྲོད་པའི་ཕྱིར།། ཡོན་འབུལ་བའི་ལེའུ་སྟེ་སོ་དགུའོ།། །། དེ་ནས་རྣལ
339a5 བྱོར་པ་རྣམས་ལ་ཕན་གདགས་པའི་ཕྱིར། ཟ་མའི་གཏོར་མ་ཆེད་དུ་བརྗོད་དོ།། རྣལ་འབྱོར་ལུང་དང་ལྡན་རྣམས་ཀྱིས།། སྔགས་དང་ཕྱག་རྒྱུར་ལྡན་བྱས་ནས།། མཆོད་པའི་ཚོགས་ཀྱི་ཁྱད་པར་ལས།། དགོངས་པའི
339a6 ཟ་གཏོར་གཏང་བར་བྱ།། དེ་ལ་རྣལ་འབྱོར་པ་མཐའ་དག་དུས་བཞི་དག་ཏུ་འདོད་པ་ལ་ལོངས་སྤྱོད་པར་བྱེད་དོ།། དེ་ཆོས་ཉིད་དུ་སྤྱོད་པར་ཤེས་ན་ཡང་གཏོར་མའོ།། རྣལ་འབྱོར་པ་ནི་དུས་ཐམས་ཅད་དུ་ཆོས་ལ
iiif viewer powered by OpenSeadragon
