| e-texts navigator |
| Wylie |
337b1 སྐུར་ཅན་ན་མེད་དོ། སེམས་དཔའ་ཆེན་པོ། རྒྱུད་འདི་གནས་ཀྱང་གནས་ལ། མི་གནས་ཀྱང་མི་གནས་ལ། དེ་ཅིའི་ཕྱིར་ཞེ་ན། དམ་ཚིག་ལ་གནས་པའི་རྒྱལ་བའི་སྲས་པོ་ལ་ཚིག་དང་ཡི་གེར་བྲིས་ཏེ་གནས་ལ། དམ
337b2 ལ་མི་གནས་ཤིང་ཕྱོགས་ཆར་བྱེད་པ་ལ་ནམ་ཡང་གནས་པར་མི་འགྱུར་རོ།། སེམས་དཔའ་ཆེན་པོ། རྒྱུད་འདི་ནི་འཇིག་རྟེན་གྱི་ཁམས་སུ་གྲགས་ཀྱང་གྲགས་ལ། མ་གྲགས་ཀྱང་མ་གྲགས་སོ།། དེ་ཅིའི་ཕྱིར་ཞེ་ན།།
337b3 ཆོས་ཐམས་ཅད་ཀྱི་རྩ་བར་གྱུར་པས་གྲགས་ལ། དཔེར་ན་སེངྒེའི་འོ་མ་དང་འདྲ་བར་ཀུན་གྱིས་མི་ཐེག་ཅིང་སྣོད་དང་ལྡན་པ་གཅིག་འགའ་ལ་སྲིད་པའི་ཕྱིར་རོ།། དེ་ལྟ་བུའི་དོན་ཀྱང་རྩ་བའི་གཏོར་མ་དཀོན་ཞིང་རིན
337b4 ཆེ་བ་སྟེ། རིན་ཐང་དཔག་ཏུ་མེད་པའི་ཕན་ཡོན་ཏེ། རྒྱུད་འདི་འབྱུང་བར་ཡང་དཀོན་ལ། ནུབ་པར་ཡང་མི་འགྱུར་བའི་དཔེའོ།། དེ་སྐད་ཅེས་བཀའ་སྩལ་པས། རྡོ་རྗེ་སེམས་དཔས་རྒྱུད་འཛིན་ཅིང་སྣོད་དུ་འགྱུར་བར
337b5 བྱ་བའི་ཕྱིར། ལྷ་དང་མིའི་དཀོར་དང་ལོངས་སྤྱོད་ཀུན་ཏུ་བཟང་པོ་ལ་ཕྲལ་ལོ།། གཏོར་རྒུད་ཆེན་པོ་ལས། རྒྱུད་ཀྱི་ཕན་ཡོན་བསྟན་པའི་ལེའུ་སྟེ་སོ་བརྒྱད་པའོ།། །། དེ་ནས་རྡོ་རྗེ་སེམས་དཔས་ཀུན་ཏུ་བཟང
337b6 པོའི་བཀའ་དེ་ཐོས་པས། ཤིན་ཏུ་འགྲོ་བ་རྣམས་ཆགས་ཤིང་གོལ་བར་གཟིགས་ནས། འགྲོ་བ་སེམས་ཅན་སྣོད་དག་པར་བྱ་བ་དང་། རྒྱུད་ཐོས་པར་བྱ་བ་དང་། མན་ངག་གཏིང་ཕྱིན་པར་བྱ་བ་དང་། ལུང་ནམ་དུ
iiif viewer powered by OpenSeadragon
