| e-texts navigator |
| Wylie |
337a1 སངས་རྒྱས་པས། རྒྱུད་འདི་སངས་རྒྱས་ཀྱི་དགོངས་སྤྱོད་དེ་ཁོ་ན་ཉིད་ཅེས་བྱ་སྟེ། རྒུད་འདི་ཤེས་ཤིང་འཛིན་པ་ཏ་ཨ་ཅང་ཡང་ཆེས་ཏེ་ཞལ་ཙམ་ཡང་མཐོང་བ་དང་མིང་ཙམ་ཡང་འཛིན་པ་ཡང་ངན་སོང
337a2 ལས་གྲོལ་ནས་ཐར་པའི་བདེ་བ་ལོངས་སྤྱོད་རྒྱུན་མི་འཆད་པར་འགྱུར་རོ།། སེམས་དཔའ་ཆེན་པོ། རྒྱུད་འདི་ནི་ཕན་ཡོན་ཆེ་ཡང་ཆེ་ལ་ཆུང་ཡང་ཆུང་ངོ་།། དེ་ཅིའི་ཕྱིར་ཞེ་ན། རྒྱུད་འདི་ཟོས་ཤིང་རྟོགས་པ་རྣམས་མ
337a3 བཙལ་ལྷུན་གྱིས་གྲུབ་པ་དང་པོ་ནས་རང་རྒྱུད་དུ་འགྲུབ་པར་འགྱུར་ལ། འདི་མ་ཐོས་མ་རྟོགས་ན་ཁམས་གསུམ་འཁོར་བའི་སྡུག་བསྔལ་ལས་ནམས་ཀྱང་ཐར་བར་མི་འགྱུར་རོ།། སེམས་དཔའ་ཆེན་པོ། རྒུད
337a4 འདི་ཐུགས་རྗེ་ཆེ་ཡང་ཆེ་ལ་ཆུང་ཡང་ཆུང་ངོ་།། དེ་ཅིའི་ཕྱིར་ཞེ་ན། སྔོན་གྱི་ལས་འཕྲོ་དང་ལྡན་པས་རྒྱུད་འདིའི་ཞལ་མཐོང་ཞིང་ཐོས་པར་འགྱུར་ལ། ལས་འཕྲོ་དང་མི་ལྡན་པས་རྒྱུད་འདིའི་ཞལ་མི་མཐོང་ཞིང་སྐལ་བ
337a5 དང་མི་ལྡན་པའི་དོན་ནོ།། སེམས་དཔའ་ཆེན་པོ། རྒྱུད་འདིས་ནི་ཁྱབ་ཀྱང་ཁྱབ་ལ་མ་ཁྱབ་ཀྱང་མ་ཁྱབ་བོ།། དེ་ཅིའི་ཕྱིར་ཞེ་ན། ཐམས་ཅད་འདི་ལས་བྱུང་ཞིང་འདིར་འདུས་པས་ཁྱབ་ལ། དེ་ལྟར་ཁྱབ་ཀྱང་དེ
337a6 ལྟར་ཤེས་ཤིང་རྟོགས་པར་དཀའ་བས་མ་ཁྱབ་བོ།། སེམས་དཔའ་ཆེན་པོ། རྒྱུད་འདི་ནི་ཡོད་ཀྱང་ཡོད་ལ་མེད་ཀྱང་མེད་དོ།། དེ་ཅིའི་ཕྱིར་ཞེ་ན། རྟོགས་པའི་ཀློང་ཡོད་ན་གོ་བའི་ཡུལ་ན་ཡོད་ལ། མ་རིགས་པ་དང་སྒྲོ
iiif viewer powered by OpenSeadragon
