| e-texts navigator |
| Wylie |
336b1 ཏོ།། སེམས་དཔའ་ཆེན་པོ་ཕྱོགས་བཅུ་དུས་གསུམ་གྱི་སངས་རྒྱས་ཀྱི་སྐུ་འཛིན་ཅིང་ཞལ་མཐོང་བ་ཞེས་བྱ་བ་ཡང་གཞན་མ་ཡིན་ཏེ་གཏོར་རྒྱུད་ཆེན་པོ་འདི་ཚིག་དང་ཡི་གེར་བྲིས་ནས། གང་འཆང་བ་དང་། གང་ཞིག
336b2 གིས་ཞལ་མཐོང་བ་ནི་སངས་རྒྱས་ཐམས་ཅད་ཞལ་མཐོང་ཞིང་འཆང་བ་ཡིན་ནོ།། སེམས་དཔའ་ཆེན་པོ་དེ་བཞིན་གཤེགས་པའི་གསུང་རབ་མི་འཆད་པར་འཛིན་ཅིང་བཟླས་པ་ཡང་གཞན་མ་ཡིན་ཏེ། ཏན་ཏྲ་འདི
336b3 ཀློག་ཅིང་འདོན་པའོ།། སེམས་དཔའ་ཆེན་པོ་དེ་བཞིན་གཤེགས་པའི་ཐུགས་ཡང་དག་པའི་ཡེ་ཤེས་རྟོགས་པ་ཞེས་བྱ་བ་ཡང་། གཞན་མ་ཡིན་ཏེ། རྒྱུད་འདི་ཡིད་ལ་འཛིན་ཅིང་གཟུངས་སུ་འཆང་བ་དེ་དེ་བཞིན
336b4 གཤེགས་པའི་ཐུགས་ཡང་དག་པར་རྟོགས་པའོ།། སེམས་དཔའ་ཆེན་པོ། དེ་བཞིན་གཤེགས་པའི་ཡོན་ཏན་ཞེས་བྱ་བ་ཡང་གཞན་མ་ཡིན་ཏེ། རྒྱུད་འདི་ཡིད་ལ་འཛིན་ཅིང་འཆང་བ་ལ་དེ་བཞིན་གཤེགས་པའི་ཡོན
336b5 ཏན་གང་ཡང་མ་ཚང་བ་མེད་པའོ།། སེམས་དཔའ་ཆེན་པོ། དེ་བཞིན་གཤེགས་པའི་ཕྲིན་ལས་ཞེས་བྱ་བ་ཡང་གཞན་མ་ཡིན་ཏེ། རྒྱུད་འདིའི་དོན་མཐར་ཕྱིན་པས་དེ་བཞིན་གཤེགས་པའི་ཕྲིན་ལས་མ་རྫོགས་པ་མེད
336b6 པའོ།། སེམས་དཔའ་ཆེན་པོ། སྔར་འདུས་པའི་དེ་བཞིན་གཤེགས་པ་ཡང་རྒྱུད་འདིའི་དོན་ཐུགས་སུ་ཆུད་པས་མངོན་པར་རྫོགས་པར་སངས་རྒྱས་ལ། དེ་བཞིན་དུ་ད་ལྟར་དང་ཕྱིས་འབྱུང་བ་རྣམས་ཀྱང་དེ་བཞིན་དུ
iiif viewer powered by OpenSeadragon
